Претседателката Гордана Силјановска-Давкова го предложи проф. д-р Трајко Славески за нов гувернер на Народната банка. Славески, кој е актуелен претседавач на Советот на Град Скопје, е универзитетски професор на Економскиот факултет во Скопје и поранешен министер за финансии.
Претседателката својот предлог веќе го достави до Собранието, кое новиот гувернер на Народната банка треба да го избере на пленарна седница со просто мнозинство.
Високите цени не се проблем - забрзува продажбата на станови
Забрзаниот раст на цените на становите не ги колеба купувачите. Во првите три месеци од годинава се продадени 160 стана повеќе споредено со лани, а вредноста на продадените станови е за над 37 милиони евра поголема од првиот квартал минатата година.
Според податоците од кварталниот извештај на Агенцијата за катастар, заклучно со март биле продадени вкупно 1.947 стана. За нив биле потрошени 137 милиони евра. Во истиот период лани биле направени вкупно 1.787 трансакции вредни нешто над 100 милиони евра.
И покрај профитабилноста и договорениот пласман, афионот тешко се враќа на нивите
Може ли Македонија да ја врати славата што ја уживаше во минатиот век одгледувајќи еден од најквалитетните афиони во светот? Тоа прашање со години се провлекува низ јавноста, а се чини дека никој не може да понуди соодветен одговор.
Иако во последните години има обиди да се врати афионот на нивите, сепак од официјалните податоци на Министерството за земјоделство, шумарство и водостопанство (МЗШВ) може да се заклучи дека не оди сѐ по планот - засеаните површини со оваа култура наменети за медицински цели се намалуваат, а рапидно опаѓаат и откупените количества.
„Макпетрол“ ќе исплати рекордна бруто-дивиденда од 4.200 денари по акција
Собранието на акционери на „Макпетрол“ на последната седница донесе одлука за дивиденда да се издвојат вкупно 424.804.800 денари (6,9 милиони евра) односно бруто-износ од 4.200 денари (68 евра) за една акција.
Станува збор за рекордна сума за исплата на дивиденда по акција ако се земе предвид дека за 2023 година компанијата исплати 3.700 денари за акција, а за 2022 година исплати 3.300 денари за акција.
Намалувањето на цените на гасот може да биде ризично за европските резерви
Европа може да обезбеди доволно течен природен гас за полнење на складиштата за следната зима по сегашните цени, но регионот се соочува со конкуренција во снабдувањето доколку цените дополнително паднат, според „Голдман Сакс груп“.
„Веруваме дека цените треба да останат на сегашните нивоа или малку над нив за да се намали побарувачката за течен природен гас надвор од Европа“, изјави за ТВ „Блумберг“ Саманта Дарт, кораководителка на одделот за глобални истражувања на стоки. „Ако течниот природен гас стане премногу евтин ова лето, ќе видите дека другите купувачи ќе го преземаат“.
Ексклузивно интервју со потпретседателката на „Дамијани“: Луксузот во новото време
Со речиси еден век традиција, „Дамијани“ (Damiani) е синоним за италијанска префинетост, занаетчиска совршеност и семејна посветеност. Основана во 1924 година во Валенца, престолнината на италијанското златарство, компанијата денес останува еден од последните независни семејни брендови на луксузен накит во светот. Она што започнало како мала златарска работилница под водство на Енрико Граси Дамијани, прерасна во меѓународно признаена куќа на висока уметност во изработката на накит.
Во ексклузивно интервју за македонскатa редакција на „Блумберг Адрија“, Силвија Граси Дамијани, потпретседателка на компанијата и внука на основачот, зборува за значењето на наследството, за еволуцијата на луксузот и за тоа како брендот останува релевантен за новите генерации на купувачи.
.webp){kind=icon}
