Американскиот претседателот Доналд Трамп изјави дека е „завршена“ трговската рамка со Кина, при што Пекинг ќе испорачува ретки земни метали и магнети, а за возврат САД ќе им дозволуваат на кинески студенти да бидат на нивните колеџи и универзитети. Ова следува откако беше објавено дека по 20-часовни преговори во Лондон претставниците на САД и Кина договорија план, за кој што сега се чека амин од претседателите на двете држави. Ќе видиме ли наскоро крај на трговската војна или се работи само за затишје пред уште една бура?
Македонија останува без деца: За една деценија 7.000 помалку новороденчиња
Во Македонија лани биле родени 16.061 новороденчиња, што е за над 7.000 деца помалку отколку во 2015 година кога во земјава имало 23.075 новороденчиња. Новите податоци за наталитетот на Државниот завод за статистика (ДЗС) откриваат дека во изминатава деценија секоја година има континуирано намалување на бројот на новороденчиња и дека падот кулминира минатата година кога е забележан рекордно низок број.
„Бројот на живородените деца во 2024 година е намален за четири проценти во споредба со претходната година“, соопшти ДЗС.
НБРМ останува внимателна – основната камата не се менува
Извршниот одбор на Народната банка одлучи да не ја менува каматната стапка на благајничките записи и таа да остане на нивото од 5,35 отсто, а каматните стапки на депозитите преку ноќ и на 7 дена на нивоата од 3,95 и 4 отсто, соодветно.
Ова е втора седница на одборот на која се носи одлука за задржување на основната камата на исто ниво. Последното намалување на каматата на благајничките записи беше во февруари.
Сопствениците на платформата „Глеј“ го објавија проспектот за иницијалната понуда на акции
Компанијата „Свод Мастер“, која управува со стриминг платформата „Глеј“ го објави проспектот за иницијалната јавна понуда на акции преку која ќе се обиде да собере 120 милиони денари (1,95 милиони евра).
Според основните информации, бројот на акциите што се запишуваат е 200.000, продажната цена на една акција е 600 денари, иницијален датум на запишување е 25.06.2025 година, а последен датум за запишување е 25.08.2025 година. Јавната понуда ќе биде преку модел на минимална цена со примена на принципот на приоритет на налози со повисока цена и порано време на внес на налогот во БЕСТ системот.
Илон Маск жали за објавите против Трамп
„Жалам за некои од моите објави за претседателот минатата недела“, напиша Маск на неговата социјална платформа, X. „Отидоа предалеку.“
Спорот беше предизвикан од противењето на Маск на законот за намалување на даноците што Трамп го турка низ Конгресот, но ескалираше и стана закана за богатството на Маск, откако Трамп најави можност за одмазда преку укинување на неговите владини договори. Тоа ќе ја погодеше „Спејс Икс“, неговата ракетна компанија (расправијата носи скапи лекции за вселенската економија од 630 милијарди долари каде што доминира „Спејс Експлорејшн Технолоџис“ на Маск), а акциите на „Тесла“ паднаа минатиот четврток, пред да ја повратат поголем дел од загубата.
Франција забранува реклами за „Шејн“ и „Тему“, воведува данок и санкции за инфлуенсери
Францускиот Сенат со големо мнозинство изгласа закон, обидувајќи се сериозно да го ограничи штетното влијание на таканаречената ултрабрза мода, со посебен фокус на платформите како „Тему“ и „Шејн“. Целта е да се намали еколошкиот отпечаток на текстилната индустрија, да се ограничи прекумерната потрошувачка и да се заштитат домашните модни брендови кои сè потешко им конкурираат на екстремно евтините увозни производи.
Законот исто така забранува рекламирање на ултрабрза мода, вклучително и реклами на социјалните мрежи, и воведува санкции за инфлуенсери кои промовираат такви производи.
.webp){kind=icon}
Во моментов нема коментари за веста. Биди прв да коментира...