Нов рекорд на просечната месечна исплатена нето-плата по вработен - во мај 2025 година изнесува 45.796 денари. На годишно ниво растот на просечната плата изнесува 11 отсто, соопшти Државниот завод за статистика.
Во однос на претходниот месец, просечната нето-плата е зголемена за 0,8 отсто. Најголем раст на месечно ниво има во финансискиот сектор (13,5 отсто).
Македонските платежни картички конечно ќе станат дел од услугата „Епл пеј“
По 11 години од лансирањето на „Епл пеј“, услугата конечно ќе биде достапна и за корисниците на македонски платежни картички. Како пионер во развојот на дигитални паричници, компанијата „Епл“ ја понуди услугата „Епл пеј“ во 2014 година, а брзиот технолошки развој придонесе таа да стане широкоприфатен начин на плаќање.
Процените покажуваат дека лани преку „Епл пеј“ плаќале околу 744 милиони корисници. За посликовито да се увиди експанзијата на оваа услуга, ќе споменеме дека пред пет години услугата ја користеле 507 милиони потрошувачи, а се очекува до 2030 година бројот на корисници да надмине една милијарда.
Кога да се очекува старт на оваа услуга за македонските платежни картички и какви ефекти се очекуваат?
ББА-анализа: Регионот Адрија станува магнет за луксузни хотелски брендови
Очите на синџирите луксузни хотели се вперени кон туристичките навики и преференции на пазарите што не се заситени со луксузни хотели. Генерално, хотелскиот сектор беше најранлив за време на пандемијата и сега брза да се приспособи на новите навики на туристите. Во Централна, Источна и Југоисточна Европа, пазарот на хотели доживува преродба во 2025 година – туристичкиот сектор веќе ја заборави кризата од пред неколку години, а и довербата на инвеститорите во хотели расте.
Првиот квартал од 2025 година во ЕУ донесе годишен раст од 1,7 отсто и во бројот на пристигнувања и во бројот на ноќевања на туристите. Целата анализа е на овој линк.
Пред седницата на ЕЦБ: И покрај силното евро, се очекува пауза
Започна дводневната монетарна седница на Европската централна банка (ЕЦБ), а денеска официјалните лица ќе ја соопштат својата одлука за висината на клучните каматни стапки. Што прогнозираат аналитичарите? Што им го скратува сонот на членовите на Советот на ЕЦБ? Дали ЕЦБ дополнително ќе ја спушти „рачната“ или можеби ќе се реши за пауза среде летните одмори? Што се случува со меѓубанкарската каматна стапка Еурибор?
Официјалните лица на ЕЦБ ги следат различните економски показатели од еврозоната, врз основа на кои ја носат одлуката за каматните стапки. Аналитичарите се речиси едногласни дека Советот на ЕЦБ овој пат ќе ги остави каматните стапки непроменети – односно треба да очекуваме пауза.
Повторно будење на мем-акциите: Пазарна еуфорија во 2025 година
Берзите се на рекордни нивоа, активноста на страницата „Волстрит бетс“ (WallStreetBets) на Редит експлодира, а малите инвеститори масовно вложуваат во евтини акции. Но ова не е 2021 година – овој пат во центарот на вниманието се ОТ (Opendoor Technologies) и „Колс“ (Kohl’s), наместо „Гејмстоп“ (GameStop), АМЦ (AMC) или банкротираната БББ (Bed Bath & Beyond).
Сличностите се очигледни: инвеститори аматери повторно се фокусираат на силно „шортувани“ акции со ниски цени, надевајќи се на брза добивка. И како и тогаш, тоа доаѓа во време на пазарна еуфорија – S&P 500 е на рекорд, биткоинот е двојно поскап за помалку од година, а компаниите SPAC повторно се во мода.
Шприц-економија - како еден едноставен пијалак стана глобален феномен
Ако постои еден пијалак што успеал да ги надмине годишните времиња, регионот и потеклото во изминатата деценија - тоа е шприцот (spritz)! Иако се состои од само три состојки - просеко, горчлив ликер и сода вода - овој освежителен пијалак успеа да се издигне од локален италијански аперитив во глобален симбол на животен стил. Летово се служи не само со парче портокал и во традиционални верзии туку и со домашни и рачно изработени ликери, златни листови и цветни инфузии, а неговата цена често достигнува и до 25 евра.
.webp){kind=icon}
