За нецел месец, в понеделник, 20 јануари, во Белата куќа ќе се пресели втората администрација на старо-новиот претседател Доналд Трамп. Од изборите на почетокот на ноември тој ги полни насловните страници со закани кон сојузниците и „непријателските“ режими, а во Вашингтон полека се полни кадровскиот базен на новата администрација.
Имињата во Трамп 2.0 се речиси целосно познати. Како интересен факт вреди да се истакне дека новата администрација ќе ја сочинуваат невидено голем број милијардери.
Според податоците на порталот „Аксиос“ (Axios), моментално има 13 милијардери, што според австралискиот „Еј-би-си“ (ABC) е „без преседан“. Втората администрација на Трамп ќе биде најбогатата администрација во речиси 250-годишната историја на САД.
Прочитај повеќе

Накратко од светот: Маск нема да биде претседател на Америка, уверува Трамп
Некои демократски лидери имплицираа дека му Трамп ја препуштил претседателската функција на технолошкиот милијардер.
24.12.2024

Трамп: Намалете ги таксите или вратете ни го Панамскиот канал
САД се најголемиот клиент на каналот со околу три четвртини од товарот што транзитира секоја година.
22.12.2024

Милионските донации ги смирија технолошките гиганти и Трамп
Џеф Безос, Марк Закерберг и Илон Маск се смирија со старо-новиот американски претседател Доналд Трамп.
13.12.2024

Трамп пред судир со ЕУ додека таа ги „чешла“ американските технолошки гиганти
Во наредните месеци „Епл“, „Гугл“, „Мета“ и платформата X би можеле да се соочат со казни во милијарди.
10.12.2024

Еден месец по изборите: Жешки акции во вториот мандат на Трамп
Финансиските пазари бурно реагираа на изборната победа на Доналд Трамп во ноември.
04.12.2024

Трамп се врати. И што сега?
Многу компании во регионот Адрија зависат и од успехот на германската автомобилска индустрија.
03.12.2024
Кадровската мешавина на богаташи е исклучително разновидна; меѓу нив се наоѓаат магнатка за борење, пионер во вселената, њујоршки развивач на недвижности, наследник на империја за мали домашни апарати и најбогатиот човек на планетата, наведува „Еј-би-си“.
Вкупното нето-богатство на најбогатите членови на неговата администрација може да надмине 460 милијарди долари, вклучувајќи го и шефот на одделот за владина ефикасност (DOGE) Илон Маск, чие нето-богатство според податоците на „Форбс“ (Forbes) е проценето на 432 милијарди долари (податок од 30.12).
Ако ги ставиме овие вртоглави бројки во контекст, вкупното богатство на „милијардерите на Трамп“ би го зазело 35-то место на листата на држави според бруто-домашниот производ и би се наоѓало некаде помеѓу Виетнам со околу 100 милиони жители и Бангладеш со 170 милиони жители.
Вкупното богатство на милијардерите што ќе служат во новата администрација на Трамп изнесува 6,4 пати повеќе од БДП на Словенија во 2024 година.
Дури и ако не го сметаме првиот човек на „Тесла“, Маск, кабинетот на Трамп ќе биде најбогатиот во историјата на САД. Нето-богатството може да се спореди само со првиот кабинет на Трамп, чиј вкупен имот изнесуваше 3,2 милијарди долари. За споредба, вкупното богатство на администрацијата на Бајден изнесува 118 милиони долари.
Слон во собата е секако Маск. Откако Трамп беше избран на почетокот на ноември, нето-богатството на Маск од 264 милијарди долари скокна за 84 проценти, на 486 милијарди долари, во вторникот на 17 декември. Оттогаш се намали и варира.
Bloomberg
Ако за момент го занемариме Маск, администрацијата на Трамп ја полнат многу други милијардери што сами по себе се вредни за споменување. За министер за трговија, словенечкиот зет го именува Хауард Лутник (богатство од две милијарди долари), за министерка за образование Линда Мекмахон (2,6 милијарди долари), а за кораководител на одделот за владина ефикасност Вивек Рамасвами (една милијарда долари).
Меѓу милијардерите на новата администрација се и Скот Бесент, Даг Бургум, Масад Булос, Ворен Стивенс, Стивен Фајнберг, Чарлс Кушнер, Џеред Ајзакман, Кели Лефлер и Дејвид Сакс. Точните процени на богатството на сите овие луѓе не се познати.
Богатството на Доналд Трамп е проценето на 5,4 милијарди долари.
„Не е изненадување што Трамп се опкружува со луѓе што доаѓаат од истиот свет како и тој“, изјави за „Еј-би-си“ Џордан Либовиц, потпретседател за комуникации во надзорната група ЦРЕ (Citizens for Responsibility and Ethics) во Вашингтон.
„Не е претерување да се каже дека станува збор за влада на милијардери. Ако функционира како влада за милијардери – што според мислењето на демократите е неизбежно – тоа би можело да го наруши популистичкиот наратив на Трамп“, напиша порталот „Аксиос“.
Но на крајот вреди да се спомене и фактот дека Трамп не е странец во редовното и немилосрдно менување на административниот кадар, што би можело многу брзо да ја промени сликата за богатството на неговата администрација.