Кога првпат ја видовме „тојота корола крос“ (Toyota Corolla Cross) во ГР Спорт (GR Sport) изведба, веднаш се заљубивме во неочекувано агресивниот и естетски добро погоден преден дел на автомобилот. Ако не поради ништо друго, тогаш само поради тоа вреди да се размисли за купување на ГР Спорт пакетот на опрема, кој носи уште многу дополнувања, но и чини нешто повеќе.
Bloomberg Adria
Нашата „корола крос ГР“ (Corolla Cross GR) на тестот дојде во комбинација со црвена боја која одлично ѝ прилега во конраст со црниот покрив. Изгледа доста мускулесто и опасно, пред сè поради предните светла, додека од другите агли не се разликува толку многу од сестринскиот модел од обичните пакети на опременост.
Со предниот дел доминира специфичната црна долна решетка на ладилникот и спортски обликуваните браници, црните 19-инчни бандажи, црните детали низ автомобилот и модернизираните задни светла, а мноштвото мали дизајнерски детали во пакетот го подигнуваат впечатокот на повисоко ниво. Поради тоа, „корола крос ГР“ визуелно е многу привлечна и добро ги „носи“ своите позначајни димензии (должина: 4.465 мм, ширина: 1.825 мм, висина: 1.605 мм).
Прочитај повеќе
Тест на „мазда ЦX-80“: Последниот самурај со шест цилиндри и седум седишта
„Мазда“ се спротивставува на неколку трендови одеднаш со речиси петметарскиот дизел теренец...
25.06.2026
Шлаканица за конкуренцијата - „зикер 7X“ е засега најкомплетниот електричен автомобил
Штом домашните купувачи почнаа да се навикнуваат дека кинеските брендови ја чистат конкуренцијата во пониските и средните сегменти на пазарот, пристигна нов предизвикувач кој влегува во борба за премиум сегментот
21.06.2026
„Пума ген-е“: Електричната е подобра, но сепак ја избирам бензинската верзија
Електричната „пума“ (Puma) речиси во секој поглед е подобар автомобил од бензинската верзија. Потивка е, побрза, поагилна и дури попространа. Сепак, по една недела со неа, и понатаму би ја избрал бензинската верзија.
12.06.2026
Bloomberg Adria
Што се однесува до внатрешноста на кабината, во „Тојота“ успеале да останат класични колку што е можно во време на сè поагресивна дигитализација. Автомобилот има многу копчиња, а особено ќе ги издвоиме командите за двозонската клима кои се издвоени под големиот екран на инфозабавниот систем и се многу практични и лесни за користење. За жал, тоа денес станува реткост.
Bloomberg Adria
Традиционален ентериер
На специјално дизајнираниот ГР волан исто така има многу копчиња за управување со одличниот адаптивен темпомат, мобилниот телефон и радиото. Возачкиот дисплеј со дијагонала од 12,3 инчи е дигитален, но со дизајнот потсетува на старите аналогни, а зад воланот има и рачки за рачно менување брзини.
Bloomberg Adria
Централниот дел го зазема брзиот мултимедијален екран од 10,5 инчи со вградена навигација и безжично поврзување со мобилен телефон, кој исто така може безжично да се полни (со уште три УСБ приклучоци напред и назад).
Материјалите се меки таму каде што треба да бидат, на деловите што најчесто ќе ги допирате, но може да се најде и поевтина пластика. Рековме дека Јапонците се држат до традиционалните принципи кога станува збор за дизајнот, но двете копчиња за контрола на греењето на седиштата изгледаат (и звучат) како да се пресадени од некој модел од раните деведесетти години. Тука сепак не би пречело малку модернизација.
Bloomberg Adria
Место за ситници има и повеќе од доволно, а генерално кабината е на високо ниво. Едноставно се гледа дека во „Тојота“ знаат што прават.
Самите седишта во ГР Спорт пакетот доаѓаат во комбинација од кожа и ткаенина која потсетува на превртена кожа или алкантара. Убави се на изглед, добро го држат телото, можат електрично да се приспособат во сите насоки, вклучително и лумбалниот дел. Дел од пакетот опрема е и одличниот „Џеј-би-ел“ (JBL) аудиосистем, како и цела низа системи за помош при возење.
Bloomberg Adria
Камерата за возење наназад би можела да има нешто подобра резолуција, но е сосема соодветна за она што треба да го изврши. Всушност, тоа може да се каже и за целиот автомобил. Во ништо посебно не се издвојува, ништо не отскокнува ниту дизајнерски (добро, освен заводливо обликуваниот преден дел), ниту функционално, но сепак сè во пакетот е одлично вклопено и подредено на комфорот на возачот.
„Корола крос ГР“ е автомобил со кој лесно се живее. Сè во него е логично и веќе по неколку дена ќе имате чувство дека го возите со години.
Bloomberg Adria
Што се однесува до просторот, напред го има во изобилство, додека од задните седишта очекувавме повеќе. За високи патници (над 185 см, ако возачот е со слична висина) може да имате проблеми со просторот за колената. За оние со поситна градба нема да има проблеми - напротив - имаат потпирач за раце со држачи за пијалаци, два УСБ приклучоци и отвори за вентилација кои можат да се насочуваат.
Bloomberg Adria
Багажникот нуди основен волумен од 425 литри, иако на прв поглед изгледа попростран. По чист капацитет не руши рекорди, туку спаѓа меѓу поскромните во класата, но е многу функционален поради правилната форма и нискиот праг за товарење. Доаѓа со гумена заштитна подлога, што исто така го поздравуваме.
Секојдневната практичност ја подигнуваат електричните врати со можност за отворање со замавнување на ногата под браникот. Задната клупа се дели во однос 60:40, а со едноставно преклопување се ослободува корисен простор со рамен под.
Bloomberg Adria
Однесување во возење
Под хаубата се наоѓа петтата генерација на хибридниот систем на „Тојота“, ХЕВ/HEV со вкупна системска моќност од 132 kW, односно 180 КС. Погонскиот систем го сочинува дволитарски (1.987 кубици) атмосферски бензинец со четири цилиндри, потпомогнат со електрична енергија. Вкупниот вртежен момент на системот изнесува 206 Nm, а силата се пренесува на предните тркала преку автоматски e-CVT менувач.
„Корола крос ГР“ не е ниту мал ниту лесен автомобил (1.515 кг), а не е ниту особено аеродинамичен. Но, и покрај тоа, перформансите се доста добри. До 100 км/ч забрзува за 7,7 секунди, со тоа што максималната брзина е ограничена на 180 км/ч.
Bloomberg Adria
Благодарение на специфичната ГР Спорт суспензија, која е спуштена за 10 милиметри во однос на стандардниот модел, автомобилот е постабилен и поцврст, но не треба да се очекуваат чуда.
Кога силно ќе притиснете на педалата за гас, моторот знае да биде гласен, автомобилот и понатаму доста се навалува во свиоци, а генерално се чувствува дека сепак станува збор за удобен семеен теренец, а не за некој спортски супербрз автомобил.
Додека официјалната комбинирана потрошувачка според ВЛТП/WLTP изнесува околу 5,0 литри на 100 километри, ние со прилично „тешка нога“ на педалата за гас трошевме околу 6,5 литри, со тоа што најголем дел од возењето беше во градски гужви, со малку возење по автопат.
Тоа е солидна бројка со оглед на големината, тежината и перформансите на автомобилот. Цената на модел од тестот изнесува 43.770 евра, што никако не е мала сума, но ако се земе предвид дека добивате „неуништлив“ погонски систем и генерално многу добар автомобил, збогатен со дополнителна опрема, со кој лесно се живее - тогаш дефинитивно треба да ја имате „тојота корола крос ГР спорт“ предвид кога барате семеен теренец.
.webp){kind=icon}
