text size
Вештачката интелигенција и други форми на паметен софтвер беа меѓу главните теми на годинашниот саем за автомобили во Шангај, но тоа не ги спречи изложувачите да претстават и многу блескави нови возила. Кинескиот лидер по продажба БЈД (BYD Co.), очекувано, имаше еден од најголемите штандови, но и европските производители на автомобили беа присутни во полна сила, решени да не им препуштат уште поголем пазарен удел на домашните конкуренти.
Сега кога масите инфлуенсери ги напуштија халите, еве преглед на најинтересните новитети од овој огромен настан.
„Лотус теори 1“ (Lotus Theory 1)
Најновиот хиперконцепт на „Лотус“, кој првпат беше прикажан кон крајот на минатата година, сега е изложен во полн сјај. Со впечатливи портокалово-златни бои на предниот дел и остри линии, „теори 1“ ја најавува иднината на возењето со автоматизација и автономни функции.
Првиот концепт на теренец на кинескиот бренд „Хончи“ е дел од растечкиот тренд на домашните производители што се насочуваат кон авантуристички возила за истражување на природата надвор од градските зони. Совршен е и за викенд-кампувања.
Qilai Shen/Bloomberg
„Хончи офроуд концепт СУВ“ (Hongqi Off-Road Concept SUV)
Qilai Shen/Bloomberg
„Мерцедес вижн V“ (Mercedes Vision V)
Во стилот на слободните форми на ЕКС (EQS), „Мерцедес“ пренесе сличен дизајнерски правец на концептот на комби „вижн“. Замислете луксузен подвижен салон со карактеристична маска и ЛЕД-лента што го обвива предниот дел - електрична визија на елеганција.
Qilai Shen/Bloomberg
„БМВ скајтоп“ (BMW Skytop)
Отворен двосед ограничен само на 50 примероци и веќе распродаден по цена од околу 500.000 евра. Секој дел е рачно изработен, а под хаубата е 4,4-литарски V8 мотор, кој достигнува 100 км/ч. за нешто повеќе од 3,3 секунди.
Qilai Shen/Bloomberg
„Зикр 9Х“ (Zeekr 9X)
Премиум брендот на „Гили“ (Geely) го претстави својот прв плагин хибриден теренец - 9X. Со напреден систем „лајдар“ (Lidar) на покривот, автономија од 380 км и забрзување до 100 км/ч. за само три секунди, овој модел ќе биде лансиран во третиот квартал, со очекувана цена до милион јуани (околу 137.000 американски долари).
Qilai Shen/Bloomberg
„Бјуик електра ГС концепт“ (Buick Electra-GS Concept)
„Џенерал моторс“ (General Motors) го оживува легендарното име ГС за кинескиот пазар преку целосно електричниот концепт „електра ГС“ (Electra-GS). Спортската лимузина засега е само прототип, но јасно го најавува идниот дизајнерски правец на брендот.
Qilai Shen/Bloomberg
Qilai Shen/Bloomberg
Qilai Shen/Bloomberg
„Тојота бЗ7“ (Toyota bZ7)
Јапонскиот гигант го претстави големиот електричен седан „бЗ7“, развиен исклучиво за Кина, каде што странските производители сè потешко го задржуваат пазарниот удел. Моделот користи ниво 2 (Level 2) на систем за автономно возење и е позициониран како ривал на „тесла модел с“ (Tesla Model S) и „БЈД хан“ (BYD Han).
Qilai Shen/Bloomberg
„БЈД дајнасти Д“ (BYD Dynasty-D)
Новиот теренец „дајнасти д“, долг 5,3 метри, претставува повеќе од концепт - тој е симбол на премиум амбициите на БЈД. Со пеперутка врати и ентериер инспириран од покривите на Забранетиот Град во Пекинг, овој модел ќе чини повеќе од 400.000 јуани (околу 54.800 американски долари).
Qilai Shen/Bloomberg
„Лексус ЕС“ (Lexus ES)
„Тојота“ (Toyota) го освежи својот луксузен седан ЕС, сега со поагресивен дизајн и во две варијанти: хибридна и целосно електрична. Внатрешноста носи минимализам со големи дигитални екрани (12,3 инчи за инструмент-таблата и 14 инчи за инфотејнмент), а некои верзии имаат и екран за совозачот. Планираното производство во Шангај укажува на фокус на кинескиот пазар.
Qilai Shen/Bloomberg
„Нисан фронтиер про“ (Nissan Frontier Pro)
Првиот плагин хибриден пикап на „Нисан“ првенствено цели на кинескиот пазар, каде што ќе му конкурира на моделот „БЈД шарк 6“ (BYD Shark 6), а потоа ќе биде извезен и на други пазари. Ова е дел од планот на „Нисан“ вреден 1,4 милијарда долари да ја ревитализира својата понуда до 2027 година.
Qilai Shen/Bloomberg
„БЈД танг Л“ (BYD Tang L
Теренецот седмосед „танг л“ користи нова ултрабрза технологија за полнење, овозможувајќи опсег од 400 км за само пет минути полнење. Најскапиот модел со погон на сите четири тркала (289.800 јуани, околу 39.700 американски долари) забрзува до 100 км/ч. за 3,9 секунди - речиси како „порше 911“ (Porsche 911).
Qilai Shen/Bloomberg
„Липмотор Б01“ (Leapmotor B01)
Новиот електричен седан на кинескиот бренд „Липмотор“, развиен со поддршка на „Стеланитс“ (Stellantis), се базира на новата платформа LEAP3.5. Со цена меѓу 100.000 и 150.000 јуани, Б01 нуди опционален систем „лајдар“ за напредно возење и панорамски покрив, а на пазарот ќе се појави кон средината на 2025 година..
Qilai Shen/Bloomberg
„Јангванг У8Л“ (Yangwang U8L)
Овој луксузен теренски гигант со шест седишта е одговорот на БЈД на модели како „ренџ ровер“ (Range Rover) и „кадилак ескалејд“ (Cadillac Escalade). Долг 5,4 метри, У8Л е зголемена верзија на оригиналниот модел У8, со додаток на екстремни теренски способности - вклучувајќи можност за ротација од 360 степени и поминување низ длабока вода. Цената не е објавена, но се очекува значително да ја надмине веќе високата цена на основниот модел У8 од 1,1 милион јуани (околу 151.000 американски долари).
Qilai Shen/Bloomberg
.webp){kind=icon}
