„Лос Анџелес е еден од најизолираните и најбруталните американски градови“, сметал Џек Керуак.
Не ја оспорувам таа негова констатација, иако верувам дека ќе поминел многу подобро овде доколку имал интересен автомобил. Иронијата е во тоа што Керуак, иако со својот роман „На патот“ инспирираше генерации авантуристи на тркала, никогаш не доби возачка дозвола.
Автомобилите имаат моќ да ве зближат со луѓето во Лос Анџелес, особено ако се ексцентрични или несекојдневни (и автомобилите и луѓето). Во овој град луѓето го ценат вашиот карактер – токму тоа ги привлекува и станува повод да започнат разговор со вас. Јас тоа го доживеав минатата недела, кога двобојниот „Мерцедес-Мајбах“ СЛ 680 кабриолет 2026, прекриен со бројни логоа како да е чанта „Луј Витон“ (Louis Vuitton), се појави пред мојата врата. Кабриолет вреден 224.900 долари, со своите 21-инчни моноблок тркала, едноставно не можеше да помине незабележано. Го блокираше сообраќајот во моето маало, што ме принуди на пријателски разговори со дотогаш непознати соседи.
Прочитај повеќе
Масажа и ароматерапија за возачите - велнес индустријата влезе во луксузните возила
Можноста за персонализирање на овие програми во луксузни возила одговара на зголемената желба на потрошувачите за индивидуализација.
12.04.2025
„Мерцедес“ би ги повлекол најевтините модели од САД за да се спаси од царините на Трамп
„Мерцедес-Бенц“ наводно планира да ја намали или да ја стопира продажбата на свои најевтини модели на американскиот пазар.
02.04.2025
„Порше“ и „Мерцедес“ може да загубат 3,7 милијарди долари поради царините
Царините на Трамп ќе ги погодат извозниците на автомобили и на автоделови.
27.03.2025
„Мерцедес“ ќе продава електрично возило за само 50.000 евра
Почетната цена е обид за натпревар со „Тесла“
15.03.2025
Еден од соседите, сопственик на фирма за изнајмување автомобили, нагло го запре својот „Мерцедес-АМГ Г63“ пред мојата врата и возбудено излезе, речиси сопнувајќи се од возбуда додека со својот „ајфон“ (iPhone) го снимаше автомобилот со кој наскоро ќе тргнам 320 милји северно кон „Монтереј кар вик“ (Monterey Car Week). Бев воодушевена што стекнав ново познанство и што присуствував на неговото воодушевување.
Bloomberg
„White Ambiance“ е втората основна боја на моделот „Мерцедес-Мајбах“ СЛ 680, достапна заедно со друг избор на тркала.
Тоа е типично за серијата СЛ 680 „Монограм“ (Monogram). Натписите „Мајбах“ (Maybach) на кровот, хаубата и внатрешните прагови може да се оквалификуваат како претенциозни или тривијални. Сепак, СЛ 680 е олицетворение на луксузен автомобил кој остава силен впечаток.
Во морето безлични возила што се претставуваат како луксузни СУВ-модели, а во време кога дури и суперавтомобилите ја губат својата единственост, јас го ценам секој израз на индивидуалност. Доколку неговиот претенциозен изглед ви го нарушува визуелното доживување, пространоста, силата и елеганцијата на моделот СЛ 680 можеби сепак ќе ве освојат.
Основни карактеристики
„Мерцедес-Мајбах“ СЛ 680 „Монограм“/2026 е првиот дводелен кабриолет во историјата на Мајбах. Дизајниран е да привлече помлада клиентела на етаблираниот бренд, со просечна возраст од 41 година ширум светот, за разлика од остатокот од секторот за луксузни автомобили, каде просекот на години ја надминува педесетката.
Базиран на спортскиот модел „Мерцедес-AMG СЛ 63“, доаѓа со В-8 битурбо мотор од 577 коњски сили и вртежен момент од 590 фунт-фити, како и со автоматски менувач со девет брзини. Забрзувањето до 60 милји на час го достигнува за четири секунди, а максималната брзина на овој модел е 161 милја на час.
Возев модел во сјајно гранатно-црвена боја, со контрастно црна хауба и црн мек кров со втиснат антрацитен натпис „Мајбах“ (Maybach), кој имаше снежно-бела внатрешност. (Втората стандардна комбинација на бои е мат бела надворешност со црна хауба и кров. Достапни се и педесет други нијанси со доплата. Да сум на ваше место, би се одлучила за нијанса во полноќно сина или сива боја.)
Останатите дизајнерски елементи вклучуваат осветлена решетка „Мајбах“ со ѕвездата на „Мерцедес-Бенц“ што стои исправено на хаубата, како кај винтиџ-караван „Мерцедес“, а не како модерниот амблем што е поставен во рамнина. Тука се и деталите во розево-златна боја, натписот „Мајбах“ над задното светло и предната маска со хромирани ламели.
Предности
Одделението на „Мерцедес“ за високи перформанси Ауфрехт, Мелхер и Гросаспах - АМГ (AMG) е заслужно за спортскиот карактер на моделот СЛ 680. АМГ разви елементи како лесната алуминиумска шасија и погон на сите четири тркала. За време на петчасовното патување кон север до Кармел ме воодушеви стабилноста на овој кабриолет. Опремен со удобни седишта што овозможува побрзa реакција на возилото при управување, патувањето беше лесно и забавно, наместо напорно и мачно.
Спортскиот карактер на моделот СЛ 680 е само еден аспект – бројни се причините што овој модел го прават совршен за долги патувања. Една од нив е пространоста на кабината, која нуди комфор и за високи лица како мене, а тука е и комбинацијата од аналогни копчиња со дигитални додатоци кои функционираа беспрекорно. Основните функции, како изборот на музика и навигацијата, останаа едноставни; држачите за пијалоци, приклучоците за полнење и копчињата за контрола на седиштата се поставени логично и практично – нешто што ретко се среќава кај луксузните автомобили.
Особено ме воодушеви пространиот багажник, кој за еден кабриолет е навистина голем: без проблеми ги собра моите два куфери на тркалца и викенд-торба, заедно со рачна пегла на пареа и капут. Имаше место и за уште доста багаж, а просторот зад седиштата нудеше дополнителен капацитет.
Недостатоци
Никогаш нема да разберам зошто би избрал некој бела боја за внатрешноста на автомобилот. Тоа е вистински кошмар. Ова не беше онаа бела боја што се нанесува како слој врз евтина пластика или вештачка кожа и која лесно се чисти со влажна крпа. Ова беше вистинска кристално-бела „напа“ кожа, на која секоја ситна дамка веднаш се забележува. А ја имаше насекаде. За да не ги извалкам, ставив пешкир врз снежно-белите подлоги за нозете на возачкото место. Не можам ни да замислам како би изгледал овој ентериер по шест месеци редовна употреба.
Кабината, исто така, можеше да биде потивка. Лесното зуење на ветерот е вообичаено кај сите кабриолети, но од возило што ја носи ознаката „Мајбах“ се очекува да биде беспрекорно тивко.
Започнав со цитат, па со еден и ќе завршам. Овој автомобил ме потсетува на изреката на покојната уредничка на „Вог“ (Vogue), Дајана Вриланд: „Малку лош вкус е како прстофат пипер. Малку од тоа не е на одмет и дури е здраво. Полошо од лош вкус е – недостиг на вкус.“
Серијата „Мерцедес-Мајбах“ СЛ 680 „Монограм“/2026 е изобилна доза лош вкус. Но брилијантен, со префинета лежерност што целосно ќе ве освои.
Bloomberg
До моето пристигнување на патеката „Лагуна Сека“ (Laguna Seca) во Монтереј, воопшто не ги забележав тие сјајни тркала, ниту украсената хауба. Автомобилот едноставно ме освои
Bloomberg
Линиите на каросеријата се дискретни
Bloomberg
Bloomberg
Доста сум пребирлива кога станува збор за куќиштата на клучевите, а ова е солидно. Со препознатлива форма, слично е на другите куќишта за клучеви на „Мерцедес“ од основната колекција, кое наместо црн приврзок со бели елементи, има натпис „Мајбах“ (Maybach) и раб во розово злато.
.webp){kind=icon}
Во моментов нема коментари за веста. Биди прв да коментира...