Групацијата „Мерцедес Бенц“ (Mercedes-Benz Group AG) претстави електричен седан кој има најприфатлива цена од сите досега. Цената е резултат на трката на германскиот производител на автомобили со другите ривали како „Тесла“ на пример, кои се соочуваат со пад на продажбата во Европа.
Почетната цена на новиот модел CLA е околу 50.000 евра, а ќе се натпреварува со моделите произведени од компанијата на Илон Маск и кинеската „БЈД“ (BYD Co.). „Мерцедес“ планира да почне со производство на ова возило во наредните недели, додека продажбата ќе започне на почетокот на летото.
Овој модел ќе биде тест за способноста на компанијата да прави електрични возила (ЕВ) кои всушност навистина се продаваат, откако првично се фокусираше на премиум модели, како што е седанот EQS од 110.000 евра, кој не успеа да се пробие. CLA ќе биде единствениот нов ЕВ модел на „Мерцедес“ оваа година, што ќе изврши дополнителен притисок врз неговата технологија во време кога компанијата се соочува со зголемен притисок врз профитабилноста.
Прочитај повеќе
Како се финансираат тимовите во Формула 1?
Формула 1 не е само возбудлив спорт на брзина и прецизност туку е и џиновска деловна империја.
13.03.2025
Што очекуваат БМВ, „Порше“ и „Фолксваген“ од новата германска влада
Производителите на автомобили во најголемата европска економија се соочуваат со пад на продажбата и влошување на трговските односи со САД.
25.02.2025
Во Македонија лани увезени 65 возила поскапи од 100.000 евра
Најголем дел од возилата е увезен од Германија и Велика Британија.
23.01.2025
БМВ и „Мерцедес“ менуваат директори во пресрет на бурна година
БМВ и „Мерцедес Бенц“ ги менуваат своите лидерски тимови додека се соочуваат со засилена конкуренција во Кина и слаба побарувачка за електрични возила во Европа.
11.12.2024
„Мерцедес“ и „Порше“ ангажираа советничка за да ја разберат генерацијата зед
Кога германските производители на автомобили сакаа да ја зголемат продажбата, тие се потпираа на позната маркетинг агенција.
22.09.2024
БМВ за прв пат ја надмина „Тесла“ во европската продажба на ЕВ
Eвропските купувачи на автомобили регистрирале 139.300 нови електрични автомобили
22.08.2024
„CLA ќе биде најефикасниот и најинтелигентниот 'Мерцедес' што некогаш сме го направиле“, рече извршниот директор Ола Калениус на претставувањето во Рим.
Иако седанот е поскап за околу 10.000 евра од „тесла модел 3“ (Tesla Model 3) кој е со слична големина, може да има корист од промената на ставовите кон Маск поради неговите контроверзни политички изјави.
„Тесла“ забележа пад на испораките за 76 отсто минатиот месец на најголемиот европски пазар, Германија, каде Маск ја поддржа екстремно десничарската партија AfD. Продажбата на моделот 3 паѓа низ целиот регион, па дури и се намали минатата година во Калифорнија, која е претежно демократска.
Директорите се надеваат дека CLA ќе помогне да се промени перцепцијата дека „Мерцедес“ заостанува на кинескиот пазар. Продажбите на компанијата опаѓаат на најголемиот светски пазар на автомобили, бидејќи домашните брендови како „БЈД“ (BYD) и „Џели ауто“ (Geely Auto) го преземаат со нивните достапни ЕВ модели.
За да го направи CLA што е можно попривлечен, „Мерцедес“ го опремува со најсовремен софтвер и додатоци како што е стаклен покрив кој ги филтрира УВ зраците, но истовремено ја осветлува внатрешноста.
Овој електричен автомобил ќе има досег до 792 километри пред да треба да се наполни. „Мерцедес“ ќе произведува и хибридна верзија за да ја задоволи побарувачката за автомобили со мотори со внатрешно согорување, бидејќи на некои пазари забавува преминот кон електричните возила.
„Нема кинески автомобил со оваа опсег во овој сегмент“, изјави Маркус Шефер, технички директор на „Мерцедес“.
Под водство на Келениус, „Мерцедес“ се фокусираше на луксузни модели, а истовремено го намалуваше производството на компактни возила. Сепак, поради ослабената побарувачка за ЕВ автомобили, компанијата ги откажа плановите целосно да се префрли на електрични возила и реинвестира во мотори со внатрешно согорување. Таа, исто така, предупреди на падот на профитните маржи поради трговските тензии и промените во навиките на потрошувачите.
.webp){kind=icon}
Во моментов нема коментари за веста. Биди прв да коментира...