Раскошните француски чанти „биркин“ (Birkin) се статусен симбол за богатите луѓе низ светот и може да достигнат цена од над 100.000 долари. Но двајца купувачи во Калифорнија тврдат дека чантите станале толку ексклузивни што нивниот производител „Хермес интернешнл“ (Hermes International) го прекршува американскиот антимонополски закон.
„Хермес“ не му ги продава ретките чанти секому и бара од потенцијалните купувачи да потрошат илјадници долари за други производи само за да добијат шанса за пристап до посакуваните кожени торби, се наведува во тужбата поднесена во вторникот со која се бара статус на групна акција.
Чантите „биркин“ не се достапни за купување на веб-страницата на „Хермес“ или не се изложени во нивните продавници, каде што продажниот персонал им ги покажува во приватни простории само на „избраните“ купувачи што се „оценети за достојни“, посочуваат Тина Кавалери и Марк Глинога во нивната жалба во судот во Сан Франциско. Тие тврдат дека тоа е неправедна деловна практика кога станува збор за јавна продавница и наедно прекршување на антимонополските закони.
Прочитај повеќе
Зошто чантата „биркин“ може да биде вашата најгламурозна и најпрофитабилна инвестиција?
Сите ја сакаат чантата „биркин“ на „Хермес“ (и на Кели). Најстрасните колекционерки се надеваат дека ќе ја поседуваат секоја форма, големина и боја што може да се замисли.
31.07.2023
Тајкун доби милиони продавајќи дел од колекцијата на чанти од „Хермес“
Милијардерот од Хонгконг, Џозеф Лау, продаде десетици претежно „Хермес“ чанти за 3,2 милиони долари на аукција на „Сотебис“.
09.02.2023
„Хермес“ не одговори веднаш на барањето за коментар.
Кавалери вели дека потрошила илјадници долари во „Хермес“ и дека била принудена да купи „дополнителни производи за да добие пристап“ до чанта „биркин“. Таа тврди дека не можела да купи една во септември 2022 година, а од „Хермес“ ѝ кажале дека торбите им биле продадени на „клиенти што биле доследни во поддршката на нивниот бизнис“.
Глинога вели дека „направил повеќе обиди да купи чанта 'биркин', но во секоја пригода му било кажувано дека треба да купи и други предмети и додатоци“.
Тужбата го обвинува „Хермес“ за „незаконска практика на поврзано купување“ на чантите „биркин“ со други производи. Учесниците во оваа практика, според тужбата, не заработуваат провизија за чантите „биркин“, туку заработуваат од други производи на „Хермес“ што се поевтини.
.webp){kind=icon}
