text size
Во 1980 година, додека кварцните часовници на батерии ја убиваа пополека традиционалната механичка индустрија за производство на часовници, „Хоер АГ“ (Heuer AG) го отпушти Герд-Ридигер Ланг. Производителот немал доволно пари за неговата последна плата, па наместо тоа тој побарал да му се плаќа со механизми за часовници - кои во тоа време се сметале за бескорисни.
Три години подоцна Ланг и неговата сопруга Франсоаз ги искористија тие механизми за да го основаат „Хроносвис“ (Chronoswiss) во нивната гаража во Минхен, под слоганот „За љубовта кон механиката“. Нивната пионерска визија помогна да се зачува традиционалното производство на часовници.
Денес „Хроносвис АГ“ има нов сопственик - Оливерс Ебштајн, кој ја купи компанијата од Ланг во 2012 година - и ново мото: „Модерна механика“. Но фирмата и понатаму продолжува да креира сложени, инвентивни уметнички дела што ги комбинираат историските техники, како што е гилош (guilloche), еден вид сложено механичко гравирање, со авангардни дизајни и со живи бои. Имајќи ја слободата на семејниот бизнис, Ебштајн вели: „Тоа е комбинација што нема да ја најдете кај ниту еден друг бренд“.
Прочитај повеќе
„Ролекс“ сега и официјално продава половни часовници, но тоа ќе ве чини
„Ролекс“ ја нарекува програмата „Сертифицирано користено“, а за купувачите е најважно да знаат дека часовникот што го купуваат дефинитивно е од „Ролекс“, а не фалсификат.
24.09.2024
Опаѓа извозот на швајцарски часовници, производителите во паника
Вкупниот извоз расте, но тоа се должи единствено на добрата продажба на најскапите часовници.
19.09.2024
Во светот на луксузните часовници не недостига време
Неодамна во Женева се одржа најновото издание на саемот за луксузни часовници „Вочес енд вондерс“ (Watches & Wonders).
09.09.2024
Сакате ролекс „пепси“ или „бетмен“? Има голема разлика
Дали вашиот часовник добива или губи вредност?
27.07.2024
Како климатската криза засекогаш ќе го промени пазарот на луксузот?
Невозможно е да се игнорираат ефектите од климатските промени, кои сè повеќе се рефлектираат и врз пазарот на луксузот.
21.09.2024
Chronoswiss Open Gear Flying Tourbillon Psycho/Извор: Chronoswiss
Добар пример е новиот „опен гир флаинг турбилон сајко“ (Open Gear Flying Tourbillon Psychо), со цена од 48.600 долари, кој е ограничен на 15 парчиња. Восхитувачкиот бројчаник изгравиран со гилош се бранува во светлозелена и сина боја, со живописен портокалов покажувач на часовите. Куќиштето од не'рѓосувачки челик и круничката од страна со карактеристичниот дизајн на „Хроносвис“, користат метод наречен хемиска депозиција на пареата заради постигнување длабок виолетов сјај.
Ако пак повеќе ви одговара нешто соодветно за Ноќта на вештерките, тогаш тука е „делфис дракула“ (Delphis Dracula) од 41.800 долари, лансиран во јуни, кој нуди три различни начини за прикажување на времето: покрај прозорчето со часови и малиот помошен бројчаник за секунди, ретроградна стрелка за минути преминува преку врвот на бројчаникот. (Кон крајот на 1980-тите, „Хроносвис“ беше пионер со часовниците „регулатор“ (Regulator), кои ги раздвоија минутите, часовите и секундите во посебни операции.„Дракула“ има куќиште од 18-каратно злато и пурпурноцрвен емајлиран бројчаник „гран феу“ (Grand Feu) . Се разбира, спакуван е во дрвена кутија во облик на мртовечки ковчег.
„Блумберг пурсјутс воч клаб“ (Bloomberg Pursuits Watch Club) разговараше со Оливер Ебштајн. Интервјуто е скратено и уредено заради соодветна должина и јасност.
Раскажете ми за почетоците на вашата приказна со „Хроносвис“.
Кога бев мал, моите родители работеа во бизнисот со увоз, извоз, накит и модни додатоци. Секогаш одев со нив на саемот во Базел и секогаш сонував за часовници. Моето семејство беа ситни колекционери, а „Хроносвис“ беше еден од ретките брендови што се етаблираа за време на кризата поради кварцните часовници. Па така, секогаш ми беше на списокот. Всушност, „Хроносвис“ беше еден од првите часовници што ги купив. А подоцна се појави можност да се купи компанијата. Целосно бев импресиониран од богатата историја и од потенцијалот што се криеше под површината.
Chronoswiss Delphis Dracula/Извор: Chronoswiss
Како се поврзавте?
Го запознав г. Ланг кога се соочуваше со финансиски проблеми и неговата ќерка не беше заинтересирана да ја преземе компанијата. Тој рече: „Не сакам да ѝ ја продадам на голема корпорација. Сакам да продолжи да ја води некое семејство“.
Имаше ли нешто посебно, дизајнот или функционалноста, што ви се допадна кај часовниците „хроносвис“?
Мислам дека е нивната приказна. Видов и можност да внесам модерен начин на размислување во брендот, кој денес го нарекуваме „модерна механика“. Тоа значи одржување на традиционалните техники на изработка на часовници, како што се гилош и емајлирањето, а во исто време нивно комбинирање со нови технологии, како што се премачкување со депозиција на водена пареа, титаниум, ДЛЦ-премачкување итн.
Дали некогаш сте виделе златен часовник со рачно работен гилош и црвен емајлиран бројчаник што има ретроградни минути и скокање на часовите? И се вика „дракула“ и доаѓа во кутија во облик на ковчег? Комбинацијата на сите овие елементи создава интересна приказна за нашите часовници.
Оливер Ебштајн, директор на „Хроносвис“/Извор: Chronoswiss
Би рекол дека боите и дизајните се многу смели.
Оваа ексцентричност е карактеристика на „Хроносвис“. Како семејна компанија, имаме слобода да го создадеме она што ни се допаѓа. Не сме врзани за акционери или строги цели, што ни овозможува да истражуваме многу идеи и да ги искристализираме за нови часовници секоја година.
Дали секоја година воведувате нови модели?
Да, секоја година издаваме нови модели, а еден или два нови модели имаат нови компликации или уникатни бројчаници.
Велите дека „Хроносвис“ е семејна компанија. Дали е вашето семејство вклучено во бизнисот?
Да, тоа сме јас и мојата сопруга. Моите деца повремено помагаат за време на празниците и покажуваат интерес, но не сум сигурен каков ќе биде нивниот ангажман за 20 години.
Зошто стилот на регулатор-часовниците е толку посебен за „Хроносвис“?
За време на кризата поради кварцните часовници во 1980-тите, беше важно да се дојде до нови дизајни за да се едуцираат потрошувачите за механичките часовници. Регулаторот има децентрализирани стрелки за час и секунда, додека само стрелката за минута доаѓа од центарот. Овој стил беше вообичаен за ѕидните часовници во швајцарските фабрики на почетокот на 20 век. Нашата цел беше да го пренесеме тој дизајн на секој часовник, што го прави еден од нашите најбарани модели.
Кои се вашите колекционери?
Нашите колекционери денес се разновидна комбинација на млади ентузијасти и искусни колекционери што бараат нешто уникатно. Ние произведуваме само од 50 до 100 парчиња по модел, па кога моделот ќе се распродаде, почнуваме да создаваме нов. Уникатноста и варијациите на бои привлекуваат колекционери што ја ценат ексклузивноста пред масовното производство. Се разбира, тие сите сакаат луксуз, но за повеќето од нив, луксузот значи и да се поседува нешто што не може секој да го има.
И правите од 1.200 до 1.250 часовници годишно?
Да, тоа е нашето моментално производство. Последниве неколку години растеме одржливо на годишно ниво во двоцифрени проценти, така што немаме за што да се жалиме.
Тоа значи и двоцифрен раст на приходите?
Точно. Бројот на часовници исто така има двоцифрен раст.
Дали во последните неколку години ве побарале некои поголеми компании со цел да ве преземат?
Не во последните неколку години, но ни пристапуваа, да. Денес разбираат дека имаме јасна стратегија и насока. Кога првпат го запознав основачот, тој ми кажа дека добил понуди од големи групации, но одбил да продаде бидејќи се плашел да не ја променат суштината на она што го создавал со години.
Помислете на „порше 911“ (Porsche 911). Тоа е, според мене, токму она што треба да го прави добар бренд. Да можете да ги погледнете стариот и новиот производ и да најдете конекција помеѓу нив.
.webp){kind=icon}
