Продажбата на „Хермес“ порасна откако што производителот на прочуените „биркин“ чанти продолжи да привлекува богати купувачи, особено во САД, кои се подготвени да се почестат со луксузните производи на овој бренд.
Приходите во третиот квартал, според константни девизни курсеви, се зголемени за 9,6 проценти, соопшти компанијата во среда. Аналитичарите очекуваа раст од 9,3 проценти.
Клучната дивизија за кожна галантерија и седларска опрема, која е главен извор на профит за компанијата, малку заостанала зад проценките.
Прочитај повеќе
Зошто Мадрид станува еден од најинтересните европски градови за храна
Од „минималистички јадења“ до рибни таверни и тапас-барови во кои сметката ретко надминува 20 евра, Мадрид се позиционира како водечка европска гастрономска дестинација.
18.10.2025
Врвен бренд за коњак има цел да стане следниот „Хермес“
„Луј 13“, престижниот коњак од куќата „Реми Коантро“, познат по своите шишиња од илјадници долари, нема доволно производи за да ја задоволи растечката побарувачка низ целиот свет. Решение: проширување во други категории.
05.10.2025
Инвестиција подобра од злато – на секои пет години нејзината вредност се удвојува
Шанел, Диор и Фенди деновиве се продаваат по цени кои важеле пред инфлацијата
06.09.2025
Оригиналната чанта „биркин“ на „Хермес“ продадена за 10 милиони долари
Првиот примерок на легендарната чанта „биркин“ на „Хермес“ му е продаден на јапонски колеционер за 10 милиони евра.
11.07.2025
Спротивно на загриженоста дека царините воведени од администрацијата на Доналд Трамп ќе ја погодат потрошувачката, регионот што ги вклучува САД ги надмина очекувањата – приходот таму пораснал за 14,1 процент во кварталот.
„Хермес“ вчера ја именува британската дизајнерка Грејс Велс Бонер (35) за нова креативна директорка за машка мода, со што, таа го наследи долгогодишниот дизајнер кој помина речиси четири децении во оваа престижна модна куќа. | Sotheby's
„Хермес“ останува еден од најотпорните луксузни брендови, постигнувајќи раст на продажбата и покрај глобалното забавување на побарувачката за производи од висок стандард и неизвесноста околу царините. Нивниот модел на „намерно ограничена понуда“ ја заштити компанијата од променливото однесување на аспиративните купувачи, кои по пандемијата ја намалија својата потрошувачка.
Силните резултати на „Хермес“ дополнително го поттикнуваат оптимизмот дека падот на побарувачката за луксузни производи забавува, откако минатата недела и ривалот ЛВМХ (LVMH Moët Hennessy Louis Vuitton SE) објави охрабрувачки резултати, што ги израдува инвеститорите и ја зголеми цената на неговите акции.
„Во моментов не забележуваме промени во трендовите во тековниот квартал,“ изјави финансискиот директор Ерик ду Алгуе пред новинарите за време на телефонски разговор. „Растот во САД беше силен во сите категории, со стабилен пораст на бројот на посети во продавниците.“ Тој додаде дека „Хермес“ не ги зголемил повторно цените во таа земја по еднократното поскапување во мај, со кое компанијата го ублажи ефектот од царините.
Акциите на „Хермес“ од почетокот на годината се намалени за 3,1 процент, што е слично со движењето на акциите на ЛВМХ.
.webp){kind=icon}
