.webp){kind=icon}
Луј Витон ќе го отвори својот прв ресторан во Франција оваа летна сезона.
Модниот бренд во сопственост на луксузниот конгломерат LVMH SE го отвора Mory Sacko (Мори Сацко) на ривиерата во градот Сен Тропе во петок, 17 јуни. Ресторанот кој ќе има 40 места за седење со трпезарија на отворено ќе биде лоциран во хотелот „Вајт 1921“ а со него ќе управува Mory Sacko, француско-западноафриканскиот готвач кој доаѓа од ресторанот „MoSuke“ од Париз којшто поседува Мишелин ѕвездички.
Кујната на Сацко е инспирирана од африканските и јапонските вкусови, а во неа ќе бидат готвени и обновени старите јадења какви што се јапонските комплети за оброци во стил на бенто кутии наречени екибен.
„Креативните, летни вкусови ќе бидат послужени на специјално дизајниран дрвен послужавник, зад чие креативно решение стои самиот готвач, а ќе бидат изложени во стаклени садови украсени со свежи цвеќиња и зеленило“, се додава во соопштението за јавност.
Мори Сацко во Луј Витон се наоѓа на Плоштадот на Лицес, кој е познат по игра со топка која нашироко се практикува во јужна Франција. Плоштадот е митско место во градот кое го сакаа сите познати личности од 1950-тите, а меѓу нив и Брижит Бардо на пример. Во поново време, Сен Тропе стана омилено место за милијардери и холивудски ѕвезди кои уживаат да се сместат на јахти во блиската марина.
Ова е втор ресторан на Луј Витон, а првиот беше отворен во Осака, Јапонија, во 2020 година. Минатиот месец, модниот бренд отвори и привремен ресторан кој беше затворен минатата недела во неговата продавница во Сеул и беше предводен од францускиот готвач со корејско потекло, Пјер Санг Бојер.
Ривалските луксузни брендови, исто така, ја проширија својата понуда и почнаа да отвораат ресторани. Гучи соработуваше со Масимо Ботура за својата Гучи Остерија во Фиренца, Италија, која беше отворена во 2018 година, а сега има четири ресторани од кои еден е во Беверли Хилс, Калифорнија.
Хотелот Шевал Блан на LVMH во Париз стана кулинарски познат на почетокот на оваа година кога неговиот ресторан Plenitude собра три ѕвезди на листата Мишелин Франција 2022 година помалку од една година по отворањето. Готвачот Арно Донкеле потекнува од La Vague d'Or во Сан Тропе, која исто така има три ѕвезди.
Сацко, кој е со потекло од Мали и Сенегал, доби национална видливост во 2020 година кога беше натпреварувач за најдобар француски готвач. Иако не победи во кулинарското реално шоу, помалку од една година подоцна ја освои својата прва Мишелин ѕвезда за неговиот ресторан во француската метропола.
