.webp){kind=icon}
Најмалку две просечни плати треба да одвои еден македонски граѓанин за да си дозволи барем една ноќ да се почувствува како претседател на држава, музичка ѕвезда или врвен спортист, покажа истражувањето на „Блумберг Адрија“ за цените на ноќевање во најлуксузните апартмани во хотелите во Скопје. Според податоците на Државниот завод за статистика, заклучно со минатата година во Македонија имало вкупно 19 хотели со пет ѕвездички. Сепак, најголем луксуз и, следствено на тоа, највисоки цени, кои се движат од околу 1.000 евра до над 1.700 евра за ноќевање, имаат претседателските апартмани во релативно новите хотели од познатите светски брендови „Хилтон“, „Лимак“ и „Мериот“. А кој спиел досега таму? Речиси немало Македонци - најчесто имало странски музички и филмски ѕвезди и политичари.
Најмногу пари за едно луксузно ноќевање треба да се одвојат за кралскиот претседателски апратман во хотелот „Дабл три бај Хилтон“ (Double Tree by Hilton), кој беше отворен во почетокот на 2019 година. Апартманот има површина од 170 квадратни метри и располага со посебна дневна соба, со трпезарија и софа, приватна спална соба и посебна кујна. Гостите можат да се забавуваат со 43-инчниот ХД-телевизор и бесплатна вајфај интернет-врска. Елегантната бања располага со када и туш. Надградените погодности вклучуваат машина за еспресо и дневна испорака на весници, како и бањарки и влечки. Овој апартман има и сеф за лаптоп, клима-уред и мини-фрижидер. Цените за овој апартман почнуваат од 1.794 евра и се движат нагоре, во зависност од повеќе фактори.
Најлуксузен апартман во „Лимак Скопје луксори хотел“ (Limak Skopje Luxury Hotel), кој беше отворен во април минатата година, е претседателскиот. Сместен е на четвртиот кат од хотелот и има површина од 163 квадрати. Апартманот има две посебни спални соби, одвоени со дневна соба, како и работна просторија, една бања и два тоалета. Мебелот во овој апартман е специјално изработен, при што се користени врвни материјали и ткаенини. Креветите се со нестандардни димензии, а во бањата има џакузи.
Лимак
Погледнете ја галеријата
Лимак
Погледнете ја галеријата
Лимак
Погледнете ја галеријата
Лимак
Погледнете ја галеријата
Лимак
Погледнете ја галеријата
Лимак
Погледнете ја галеријата
Лимак
Погледнете ја галеријата
Опремен е и со уникатни парчиња мебел, кои се увезени од Италија и од Турција. Во антрето има репрезентативна уникатна резба, а на подот се поставени парчиња мозаик со мотиви од Микеланџело. За да се обезбедат врвна удобност, чувство на опуштеност и луксуз, во дизајнот и внатрешното уредување се употребени топли бои, во бањите има луксузна козметика, а особено внимание им е посветено на сите поединечни елементи што се составен дел од овој апартман.
„Претседателскиот апартман ги задоволува највисоките стандарди за безбедност, вклучувајќи и посебна соба, која е поврзана со апартманот и е наменета за лицата од обезбедувањето на оние што престојуваат во него, особено ако станува збор за високи функционери. Изнајмувањето на овој апартман се движи од 1.200 евра на ден, во зависност од побарувањата на гостите, а цената варира од должината и периодот на престојот и од други фактори“, информираат од хотелот.
Во претседателскиот апартман на „Лимак“ престојувале музички ѕвезди и познати спортисти од Турција и регионот, политичари, претставници на официјални делегации, а бил користен и за снимање филмови и телевизиски емисии.
Ноќевањето во претседателскиот апартман во хотелот од познатиот светски бренд „Мериот“, кој се отвори на средината на 2016 година, има почетни цени од 980 евра. Апартманот има површина од 184 квадратни метри, дневна соба, трпезарија и соба за состаноци. Користењето интернет дополнително се наплаќа.
Пред да се реновира, почетната цена за претседателскиот апартман во хотелот „Холидеј ин“ (Holiday Inn) беше 500 евра. Оттаму информираат дека целиот хотел е реновиран и дека останува да се заврши уште овој апартман.
„Претседателскиот апартман се наоѓа на првиот кат, од задната страна на хотелот, со поглед кон Вардар. Станува збор за апартман од околу 75 квадрати (точната квадратура сега не е сигурна, зашто може да има мали измени поради реновирањето). Има мал ходник, соба со голема трпезариска маса, стаклена витрина и дополнително работна маса. Оваа соба е предвидена за состаноци. Има и гостински тоалет. Спалната соба е со голем кревет (димензии 2 х 2,2), има два мијалника, туш-кабина и џакузи. Во апартманот има и два телефона, во спалната и на работната маса. Апартманот има и балкон. Веднаш до претседателскиот апартман има и одделна соба за обезбедување, која внатрешно е поврзана со врата, а не е задолжително да бидат паралелно изнајмени. Но и таа соба ги има сите удобности, со кревет, работно биро, тоалет...“, информираат од хотелот.
Претседателски, султански и кралски апартмани има и во другите хотели од највисока категорија во Скопје. Но цените се многу пониски и се движат од 200 до 400 евра по ноќевање.
Со помош на Александра Томиќ и Мирјана Јовеска
