Доколку планирате свадба оваа година, а важно ви е да се забавувате со пријателите неколку дена (поточно: ноќта) пред судбоносното „да“, предлогот е тоа да го направите во јадранскиот регион, според резултатите од една нова студија. Белград, Скопје и Сараево се во топ 10-те најдобри европски метрополи за ергенски и момински забави.
„Свадбите може да бидат скапи, па затоа е важно да најдете прифатливо место за уживање во вашата ергенска и моминска забава без да морате да правите компромиси за забавата и квалитетот на вашето време надвор оддома“, вели Мајкл Слот, автор на новото истражување спроведено од „Слотдеј“, онлајн каталог за слотови и прегледи на игри, кој ги анализираше квалитетот на ноќниот живот и трошоците за сместување во сите европски метрополи. Оваа анализа дава информативен увид за двојките што сакаат да се побегнат со своите пријатели и семејството пред „големиот ден“, без да биде тоа очигледен и често скап избор на три европски земји што се познати по тоа: Франција, Шпанија и Португалија. Истражувачите се фокусираа на бројот на високо оценети ноќни места во секој главен град наведени на „Трипадвајзор“ (TripAdvisor), особено на оние што добиле четири или повеќе ѕвезди. За да се проценат трошоците за сместување, студијата зела предвид тридневен престој на група од десет луѓе што делат соба во парови, а користела податоци од веб-страницата „Баџет јор трип“ (BudgetYourTrip.com). Сите тие се оценети како такви бидејќи имаат добар баланс помеѓу ноќниот живот и цената на сместувањето. А позициите засновани на совпаѓање на овие параметри изгледаат вака.
Скопје/МИА
Скопје е број четири иако има само 20 високо оценети места за ноќен живот, но и просечна цена на сместување од 114 евра. Белград, на седмото место, со значително повеќе објекти оценети со четири-пет ѕвезди за квалитетот на ноќниот живот (133), исто така нуди едно од најприфатливите сместувања од кој било главен град во Европа. Тридневен престој во Белград чини 140,4 евра по лице, според оваа анализа. Сараево е на десеттото место, со 29 високо оценети места за ноќна забава и просечна цена од 127 евра по лице за сместување.
Сараево/Depositphotos
Првите три се Лондон, Прага и Софија. Главниот град на Обединетото Кралство исто така има врвен ноќен живот. Има дури 854 високо оценети барови, клубови и пабови за ноќта што некои велат дека момчињата и девојките со нетрпение ја очекуваат повеќе од денот што следува потоа. Овој опсег на понуди го надминува фактот дека Лондон е петта најскапа европска престолнина за сместување, проценета во оваа студија на просечни 350,61 евра по лице за тридневен престој. Позната по својата разновидност на наградувани пива, Прага е вториот најдобар главен град во Европа за забави. За половина од трошоците за сместување во споредба со Лондон, Прага може да се пофали со 418 ноќевања што добиле одлични критики од своите посетители.
Топ дестинација во лето, Бугарија исто така има и главен град како главна туристичка атракција. Софија им нуди на своите посетители избор од 112 барови и клубови оценети со четири ѕвезди и повеќе.
Белград/Depositphotos
Студијата ги рангираше Берн (Швајцарија), Рејкјавик (Исланд) и Валета (Малта) како најмалку пожелни европски престолнини за забави. Берн е скап за престој и има само седум места оценети со четири ѕвезди, што го прави последен на списокот за патување. Иако нуди разумен избор на високо оценети барови и клубови, 41, Рејкјавик може да биде доста скап за хотели, во просек 366,40 евра за тридневен престој. Живописниот главен град на Малта, Валета, има само седум ноќни објекти со 4-5 ѕвезди и висока цена од 299,50 евра за тридневен престој во хотел, што е помалку од идеално за типична забава за младенци, заклучува студијата.
.webp){kind=icon}
