Клубовите од англиската елитна лига кои сакаат да патуваат на натпреварите со приватни авиони, се соочуваат со нешто непознато: треба да чекаат.
Растечката побарувачка за чартери е проблем за англиската Премиер лига и ги нарушува нивните планови за патување на натпреварите.
Откако Челси загуби со 3:0 од Лидс Јунајтед, менаџерот на лондонскиот клуб, Томас Тухел, рече дека подготовките на неговиот тим биле засегнати од промените во планот за патување. Челси не можеше да најде доволно голем авион за целиот состав на играчи и тренери да заминат, па Тухел и неговите соработници заминале со автобус.
Лидс Јунајтед, сместени во Јоркшир, на северот на Англија, имаше сопствени потешкотии за да стигне на јужниот брег за мечот со Саутемптон кој заврши со 2:2. Тимот за патот од 370 километри морал да ангажира три помали авиони, а слични аранжмани направиле и за следниот натпревар со Брајтон в сабота.
Њукасл Јунајтед, сместени на североистокот на Англија, беа приморани да го сменат планот за патување за Брајтон каде изиграа 0:0.
„Еден од проблемите на фудбалските клубови е тоа што сите сакаат да изнајмуваат приватни авиони, најчесто големи, во кои може да се смести и екипата и помошниот персонал, но во сабота и недела тие се помалку достапни“, вели Sasha Ryazantsev, поранешен член на управата на Евертон, клуб од северозападна Англија.
Побарувачката за големи приватни авиони порасна откако многу бизниси го сменија начинот на патување за време на Ковид 19 пандемијата. Фрустрациите заради нарушувањата во индустријата со комерцијални летови доведе до тоа некои со задоволство да плаќаат за приватни авиони за да ги избегнат малтретирањата.
Bloomberg
Ситуацијата се влоши на почетокот на оваа година, по пропаѓањето на британскиот чартер превозник Jota Aviation, кој располагаше со авиони со 95 седишта.
Заминувањата на приватните авиони од аеродромите драматично порасна од пред пандемиските нивоа, покажуваат податоците на Европската бизнис авио-асоцијација, што е проблем за фудбалските клубови да резервираат во краток рок.
Натпреварите во англискиот фудбал се со набиен распоред, а клубовите прават се што можат за да се осигураат дека нивните играчи ќе имаат што повеќе време за одмор меѓу натпреварите и тренинзите. Летањето на натпревари за богатите клубови е многу побрзо и полесно отколку да патуваат со автобус или воз, ризикувајќи да задоцнат.
Употребата на авиони за патување на натпреварите не им одговара на луѓето кои се залагаат за заштита на животната средина и затоа клубовите многу внимателно зборуваат за своите проблеми со изнајмувањето на приватните авиони.
„Голем дел од јавноста ги тера клубовите убаво да размислат дали патувањето со воз или автобус е поодржливо, а за менаџерите на тимовите на кои времето им е ограничено ова можеби не е идеално“, вели Клив Џексон, основан на компанијата „Виктор“ која нуди услуги со приватни авиони.
Џексон вели дека некои од клубовите веќе почнале да се распрашуваат за тоа како да ги намалат штетните емисии во воздухот за време на патувањатa. „Еден од начините е да купат поквалитетно авионско гориво, кое е поскапо од традиционалното млазно гориво“, вели тој.
„Уште е рано. Треба да почекаме и да видиме колку од клубовите ќе почнат да летаат поодговорно“, вели Џексон
.webp){kind=icon}
