„Мишелин“ го претстави својот прв глобален избор на хотелски клучеви и ја откри својата деловна стратегија, вклучувајќи и прифаќање плаќања од туристички организации за неговите инспектори да посетат одредени земји и градови. Компанијата ја плаќа целосната рекламирана цена за секој хотел што го прегледува, како и за сите потребни летови, а посетите на ресторани се спроведуваат анонимно.
Потегот за зголемување на транспарентноста доаѓа во време кога компанијата стана профитабилна, а „Мишелин“ се надева дека со отвореноста во врска со својот бизнис ќе ги зачува интегритетот и довербата на потрошувачите во своите оценки.
На настан во Музејот на декоративните уметности на 8 октомври, „Мишелин“ го претстави својот глобален избор на клучеви – еквивалент на оценките со ѕвезди, но за хотели. Еден час претходно, во раскошниот замок „Поцо ди Борго“ од 18 век во Париз, беше откриена поконтроверзна страна: искрен поглед на тоа како компанијата заработува пари од оценките за хотели и за ресторани.
Прочитај повеќе
Ѕвезди на хотелските врати – обележје, но не и гаранција за квалитет
Онлајн рецензиите имаат силно влијание денес - патниците редовно ги проверуваат, а хотелите стануваат свесни дека негативните коментари може значително да влијаат на нивниот углед.
13.09.2025
Пет луксузни хотелски спа-зони на Јадранот
Хотели на Јадранот покажуваат дека современиот луксуз не е само сместување и гастрономија туку сосема поинакво искуство со природни терапии и уникатно доживување.
29.08.2025
ББА-анализа: Регионот Адрија станува магнет за луксузни хотелски брендови
Белград предводи во луксузот, а Хрватска во бројките.
24.07.2025
Зошто хотелите „само за возрасни“ наеднаш станаа толку популарни?
Овие сместувачки капацитети кои на гостите им гарантираат мир и приватност стануваат голем тренд во патувањето.
08.06.2025
Како да престојувате во најлуксузните хотели во светот речиси бесплатно?
Користењето поени од програмата за лојалност и милји за резервации на најлуксузните сместувања може да звучи како невозможна мисија, но не е така.
01.05.2025
За првпат француската компанија експлицитно го призна она за што долго време имаше сомнежи: дека туристичките организации им плаќаат на инспекторите на „Мишелин“ да ги посетат нивните градови и земји.
Во туристичката индустрија со години се поставуваат прашања за тоа дали компанијата може да остане непристрасна во доделувањето ѕвезди на ресторани, а наедно да прифаќа плаќања од туристички тела.
Зошто сега да биде отворена за својата стратегија?
Оценките на хотелите, скапа практика што е тешко самостојно да се спроведе, го принудија „Мишелин“ да ги открие своите деловни практики. Ова не е компромис со стандардите: компанијата ги плаќа целосните цени на хотелите и летовите, а посетите на рестораните се анонимни.
За да ги пласира своите оценки на хотелите на глобално ниво, водичот мораше да создаде нови извори на приходи. Во октомври 2018 година ја купи платформата за резервации на хотели Таблет (Tablet), која им овозможува на лојалните корисници на Водичот на „Мишелин“ да планираат и резервираат патувања. „Мишелин“ зема провизија од околу 15 проценти од секоја резервација. Сите хотели со клуч се наведени на страницата, но не сите се достапни за резервација.
Покрај доделувањето три клуча на 143 хотели во светот, „Мишелин“ за првпат воведе и награди „најдобар во класата“ во четири категории. Наградите ги вклучуваа хотелот „Бурман“ во Талин, Естонија, за најдобро отворање на годината, и „Атлантис Ројал“ во Дубаи, за најдобар хотел по архитектура и дизајн.
Овие награди покажуваат две работи: инспекторите патувале долго и далеку, надвор од опсегот на водичите за ресторани, а трошоците делумно биле покриени од надворешни спонзори. На пример, категоријата „Отворање на годината“ била поддржана од УОБ (United Overseas Bank) и вклучувала дестинации како што се Сејшелите и Корзика. Во категоријата „Локални прибежишта“ (Local Gateways), инспекторите посетиле далечни места, како што се „Фиермонтина оушн“ во Мароко и „Тиера Патагонија“ во Чиле.
Оваа транспарентност доаѓа во време кога „Мишелин“ стана профитабилен. Во текот на изминатата деценија компанијата го интернационализира водичот, внесе дигитална содржина, склучи приватни партнерства (ЛВМХ/LVMH) и објавила планови во винскиот сектор.
Гвендал Пуленек, меѓународен директор на Водичот на „Мишелин“, изјави: „Сакавме да дадеме целосна слика бидејќи сега покриваме хотели низ целиот свет. Станува збор за објаснување на нашата стратегија.“
Стандарди и независност
Јулијана Твигс, директорка за меѓународен развој, нагласи дека „Мишелин“ не ги посетува сите што плаќаат, ниту пак дека секој договор гарантира ѕвезда. Средствата се користат за покривање на трошоците на инспекторите, а посетите се дел од „културна ревизија“ на угостителската сцена.
Инспекторите остануваат одвоени од деловната страна, обезбедувајќи кредибилитет и праведност при доделувањето ѕвезди.
Ова се некои од најдобрите хотели според клучевите на „Мишелин“ за 2025 година:
Архитектура и дизајн
Победник: „Атлантис Ројал“, Дубаи
Следни на листата: „Роузвуд Сао Паоло“, „Шабра ресорт“ (Саудиска Арабија), „Бенсе хаус“ (Јапонија), „Вука Наи 3.3“ (Дуги Оток, Хрватска)
Велнес
Победник: „Баргенсток ресорт“ (Швајцарија)
Следни на листата: „Кањон ранч Тусон“ (Аризона, САД), „Џоали беинг“ (Малдиви), „Лили оф д Вали“ (Франција), „Ритрит ет блу лагун“ (Исланд)
Локални прибежишта
Победник: „Фиермонтина оушн“
Следни на листата: „Заниер Соноп“ (Намибија), „Тиера Патагонија“ (Чиле), „Лонгитјуд 131“ (Австралија) и „Пост ранч ин“ (САД)
Отворање на годината
Победник: „Бурман“ (Естонија)
Следни на листата: „Анман Наи Лерт“ (Тајланд), „Колеџо ала Куерсе“ (Италија), „Ле муфлон дор“ (Франција), „Шевал бланк“ (Сејшели)
.webp){kind=icon}
