Акциите на партнерите на „Опен еј-ај“, како „Софтбанк груп“ (SoftBank Group Corp.) и „Оракл“ (Oracle Corp.), паѓаат откако „Волстрит журнал“ објави дека стартапот неодамна не ги исполнил целите за продажба и нови корисници, што повторно ги разгоре стравувањата за трошењето пред објавата на резултатите на технолошките компании.
„Софтбанк“ потона до 11 отсто во Токио, додека „Корвив“ (CoreWeave Inc.), „Оракл“ и АМД (Advanced Micro Devices Inc.) паднаа за околу 3 отсто во претпазарното тргување во САД. Иако „Опен еј-ај“ има договори со десетици компании, пазарите најмногу се фокусираат на помал круг големи партнери како „Енвидија“ (Nvidia Corp.), „Софтбанк“, „Оракл“, „Мајкрософт“ (Microsoft Corp.), „Корвив“ и АМД како инвестициски показатели поврзани со креаторот на ЧетГПТ.
Инвеститорите внимателно бараат знаци дали технолошките компании и натаму остануваат посветени на претходно најавените огромни капитални вложувања за изградба на ВИ-инфраструктура.
Прочитај повеќе
„Опен еј-ај“ нема повеќе договор за ексклузивност со „Мајкрософт“
Креаторот на „Чет ГПТ“ сега ќе може да соработува со ривали во „клауд компјутингот“ како „Амазон“
пред 20 часа
Новиот модел на „Дипсик“ сè уште не ја намалува предноста на САД во вештачката интелигенција
Новиот модел „Дипсик В4“ носи пониски трошоци и солидни перформанси, но не успева да ја загрози доминацијата на американските лидери во ВИ, иако го засилува притисокот преку цената и спорните методи на развој.
25.04.2026
„Антропик“ го престигна „Опен еј-ај“: нова мапа на моќ во индустријата за вештачка интелигенција
„Антропик“ за првпат го престигна „Опен еј-ај“ по приходи, со повеќе од 30 милијарди долари годишен приход.
15.04.2026
Најголема трансакција на сите времиња: „Опен еј-ај“ со вредност од 852 милијарди по рунда од 122 милијарди долари
По најголемата рунда од 122 милијарди долари, „Опен еј-ај“ ги зголемува приходите, воведува реклами и се подготвува за излез на берза.
01.04.2026
„Тоа е она што пазарот треба да го види за да остане жива приказната за ВИ“, изјави Аманда Лајонс, раководител за истражувања во „Енерџи груп капитал“ (Energy Group Capital). „Ситуацијата е чувствителна: секој знак дека компаниите помалку трошат би бил лош сигнал за целиот сектор, а нагло зголемување на трошоците би отворило прашања дали тие инвестиции ќе се исплатат и дали може да се одржат.“
Акциите поврзани со „Опен еј-ај“ заостануваат зад компаниите поврзани со „Алфабет“
Bloomberg
Акциите на компаниите поврзани со „Опен еј-ај“ значително заостануваат зад конкурентите во последните месеци, со раст од околу 75 отсто од крајот на 2024 година, наспроти добивка од повеќе од 300 отсто кај слична група акции поврзани со „Алфабет“.
„Опен еј-ај“, кој некогаш беше во првите редови на еуфоријата околу вештачката интелигенција, не исполнил неколку месечни цели за продажба во 2026 година, откако ривалот „Антропик“ доби предност на пазарите за кодирање и корпоративни услуги, објави во понеделникот „Волстрит журнал“, повикувајќи се на неименувани извори запознаени со случајот.
Перцепцијата за водечката позиција на „Опен еј-ај“ се промени минатата есен, откако моделите Џемини на „Алфабет“ и Клод на „Антропик“ добија широко признание. Овие новитети од ривали насочени кон потрошувачите и бизнисите предизвикаа повеќекратни распродажби кај компаниите што инвеститорите ги сметаат за показатели поврзани со „Опен еј-ај“.
„Растот на ’Опен еј-ај’ е феноменален од објавувањето на ЧетГПТ, но конкурентите ја преземаат предноста од двете страни“, изјави Ана Мекдоналд, директор за инвестициска стратегија во „Харгривс Ленсдаун“ (Hargreaves Lansdown).
.webp){kind=icon}
