Извршниот директор на „Енвидија“ (Nvidia), Џенсен Хуанг, ја пофали компанијата „Дипсик“ (DeepSeek) и другите кинески учесници во истражувањата за вештачка интелигенција (ВИ) за време на неговата средба со политички и технолошки лидери во Пекинг.
Хуанг изјави дека отворено-достапните кинески модели на ВИ му помагаат на остатокот од светот, за време на разговор до камин со Ванг Џијан, поранешен извршен директор на „Алибаба“ (Alibaba Group) кој помогна во создавањето на одделот за облак на компанијата.
Генералниот директор на „Енвидија“ посебно ја истакна научната работа на „Дипсик“ во областа на вештачката интелигенција. „Неверојатно добро е напишана. Тоа е апсолутно научен труд со оценка A+ и инженеринг со оценка A+,“ рече Хуанг. Тој додаде дека кинеските истражувачи за ВИ се водечки во светот по бројот на објавени научни трудови.
Прочитај повеќе
Вашингтон ги ублажи ограничувањата: „Енвидија“ и АМД се враќаат во Кина
Овој развој на настаните доаѓа во период на постепено затоплување на односите меѓу Вашингтон и Пекинг.
16.07.2025
Од компјутерски игри до предводник на револуција: приказната за „Енвидија“
„Енвидија“ е основана во 1993 година со цел да создава специјализирани компјутерски графички чипови за видеоигри, во време кога стандардните процесори беа премногу слаби за тогашниот премин кон 3Д графика.
14.07.2025
Колку вреди „Енвидија“: Само пет држави во светот имаат поголем БДП
Пазарната вредност на „Енвидија“ го надминува бруто домашниот производ (БДП) на практично сите земји во светот, со исклучок на пет - САД, Кина, Германија, Индија и Јапонија.
11.07.2025
Хуанг започна со дипломатски настап на отворањето на конференцијата во средата, нарекувајќи ги кинеските отворени ВИ модели „катализатор за глобален напредок, кој овозможува на секоја земја и индустрија да се приклучат кон ВИ револуцијата.“ Тој ги нарече „Дипсик“, „Алибаба“, „Тенсент“, „Минимакс“ и „Баиду“ „светска класа“.
Посетата на Хуанг доаѓа во момент кога „Енвидија“ ги потресе глобалните технолошки берзи со веста дека администрацијата на Трамп ќе одобри извозни лиценци за чиповите Х20 (H20) – изненадувачки пресврт во политиката што официјално ќе ѝ овозможи на компанијата повторно да ги продава многу бараните компоненти на водечкиот светски пазар за полупроводници.
Хуанг рече дека очекува наскоро да ја добие првата серија американски лиценци за извоз на Х20 чипови во Кина. Овој потег може да ѝ донесе милијарди долари приход на „Енвидија“ годинава, враќајќи ја можноста да ги исполни нарачките кои претходно беа откажани поради наметнатите ограничувања.
.webp){kind=icon}
Во моментов нема коментари за веста. Биди прв да коментира...