„Мајкрософт“ разговарал со „Епл“ за продажба на Бинг како замена за Гугл

Корпорацијата „Мајкрософт“ (Microsoft Corp.) разговарала за продажба на својот пребарувач Бинг (Bing) на „Епл“ (Apple Inc.) во периодот околу 2020 година, договор што би го заменил Гугл (Google) како стандардна опција на уредите на производителот на ајфони, според извори запознаени со ова прашање.

Директори на „Мајкрософт“ се состанале со шефот на услуги на „Епл“, Еди Кју, кој посредувал и за тековната соработка со Гугл, за да разговараат за можноста за преземање на Бинг, велат лицата, кои побараа да останат анонимни бидејќи ситуацијата е од доверлива природа. Разговорите биле иницијални и никогаш не стигнале до напредна фаза, додаваат тие.

Со текот на годините, компаниите разговарале за други начини да го направат Бинг фаворизирана опција, иако „Епл“ на крајот сепак остана со Гугл. Ваквите разговори добиваат нова тежина сега кога американското министерство за правда е во правна борба со „Гугл“ за да покаже дека компанијата ја злоупотребила својата доминација во пребарувањето. Односот на „Епл“ со „Гугл“, кој плаќа милијарди долари за да му даде на својот пребарувач главна позиција во ајфоните и други уреди, е централен во случајот.

Претставници од „Мајкрософт“ и „Епл“ одбија да коментираат за наводите.

„Мајкрософт“ го лансира Бинг во 2009 година како ривал на Гугл, но тој никогаш не доби значаен удел на пазарот. Гугл сè уште владее со индустријата, а Бинг придонесува за помалку од 10 отсто од пребарувањата.

Bloomberg

„Епл“ и „Мајкрософт“ сега се вмешани во тужбата на владата против „Гугл“, а директори од двете компании сведочеа на тековното судење. Министерството за правда го користи договорот со „Епл“ како доказ дека Гугл неправедно доминира на пазарот за пребарување. Во сведочењето претходно оваа недела, Кју од „Епл“ го отфрли тоа тврдење, велејќи дека неговата компанија го користи Гугл бидејќи тоа е најдобрата опција за пребарување.

Сепак, „Епл“ го користеше и Бинг во делови од своите операции. Производот на „Мајкрософт“ беше неговиот стандарден веб-пребарувач во Сири и Спотлајт - функција што врши пребарувања од почетниот екран на ајфон и ајпад - помеѓу 2013 и 2017 година. Но, компанијата се врати на Гугл во 2017 година како дел од ажурираниот договор за споделување приходи. Бинг остана опција за пребарување на Сафари.

Денес Гугл е пребарувач во Сири и Спотлајт, како и стандардна опција во Сафари. За време на неговото сведочење, Кју рече дека договорот на „Епл“ и „Гугл“ бил продолжен во 2021 година. Тоа би било една година или нешто подолго откако „Мајкрософт“ сакал да му го продаде Бинг на „Епл“.

Кју имплицираше дека технологијата на Бинг е инфериорна во однос на Гугл, велејќи дека тој „не знае што би направиле“ доколку некогаш пропаднат преговорите со „Гугл“.

Во моментов нема коментари за веста. Биди прв да коментира...

Остави коментар