Корисниците од ЕУ наоѓаат начини за преземање на „Тредс“

Европски фудбалски тимови, медиуми како „Ле Монд“ (Le Monde) и агенцијата „Франс-Прес“ (Agence France-Presse) и други организации на континентот најдоа начин да ја добијат новата апликација „Тредс“ (Threads) на „Мета“ (Meta Platforms Inc.), иако компанијата не ја лансираше во Европската унија.

Потврдени сметки на француските медиумски компании „Ле Фигаро“ (Le Figaro) и „Леберацион“ (Liberation) постираа преку апликацијата на денот кога таа беше промовирана, како и левичарскиот француски пратеник Франсоа Руфин, кој ја избриша првичната објава. Германскиот фудбалски клуб Лајпциг и францускиот Сент Етјен исто така почнаа да постираат на „Тредс“, како и играчот на Реал Мадрид, Едуардо Камавинга.

„Тредс“, која веќе собра десетици милиони корисници нема да биде достапна во продавниците за апликации во 27 земји на Европската унија додека компанијата работи на прашањето како регулативите на блокот околу користењето податоци ќе влијае на апликацијата, рече лице запознаено со ова прашање.

Сепак, постојат и други начини за добивање пристап, како што е поврзување со продавницата за апликации во САД за корисниците на „Ајфон“ или преку понудата за пакети на „Андроид“ (Android). Познати и како АПК, овие програми им дозволуваат на корисниците на „Андроид“ рачно да преземаат апликации што не се во нивната продавница на „Гугл плеј“ (Google Play).

„Сите наши претплатници се Французи, не е комплицирано да се приклучите на апликацијата“, рече Микаел Фрисон, кој се занимава со социјалните мрежи за францускиот дневен весник „Либерацион“. „Прашање на денови или недели е кога политичарите ќе почнат да се приклучуваат доколку комуникацијата се префлри таму“.

Претставниците на другите медиумски групи и фудбалски клубови не одговорија на барањата за коментар. Рафин не одговори на барањето за коментар. Реал Мадрид не одговори веднаш во име на Камавинга.

 

Во моментов нема коментари за веста. Биди прв да коментира...

Остави коментар