.webp){kind=icon}
Илон Маск го најави својот бот со вештачка интелигенција што ќе му биде ривал на ЧетГПТ (ChatGPT), тврдејќи дека прототипот веќе е супериорен на неколку начини во однос на ЧетГПТ 3.5.
Ботот се вика Грок (Grok) и е првиот производ на компанијата „хАИ“ (xAI) на Маск. Сега е во фаза на тестирање, се тестира од група американски корисници. Грок се развива врз основа на податоците од платформата X на Маск, порано позната како Твитер, и затоа е подобро информиран за најновите случувања од другите ботови со статични збирки на податоци, според веб-страницата на компанијата. Дизајниран е и за да одговори „со малку духовитост и бунтовничка црта“, се наведува во соопштението.
Претходно годинава Маск потпиша петиција со која се повикува на пауза во развојот на модели со вештачка интелигенција за да се овозможи развој на заеднички безбедносни протоколи.
Прочитај повеќе
Како влезе вештачката интелигенција во Македонија и какви ризици носи
Еден пример што ни е близок нам, во Македонија, е за користењето на ЧетГПТ од страна на учениците.
02.11.2023
Маск меѓу главните гости на голем самит за вештачка интелигенција во Британија
Британскиот премиер, Риши Сунак, се надева дека настанот може да ја обликува регулацијата на новата технологија.
31.10.2023
Сноуден: ВИ и ЧетГПТ се уште поголема закана за приватноста
Едвард Сноуден, еден од најпознатите свиркачи во светот, минатиот четврток преку видеоврска се приклучи на Деновите на комуникацијата во Ровињ.
24.04.2023
Маск и други технолошки лидери: Ситуацијата со ВИ е надвор од контрола
Експерти и индустриски лидери, меѓу кои и Илон Маск, ги повикуваат програмерите да го притиснат копчето за пауза во однос на развојот на моќни модели со вештачка интелигенција (ВИ).
30.03.2023
„Ја потпишав таа петиција знаејќи дека е залудна“, рече милијардерот сопственик на X и главен извршен директор на „Тесла“. „Сакав само некаде да биде забележано дека препорачав пауза“.
Американскиот претседател Џо Бајден штотуку потпиша извршна наредба за надгледување на вештачката интелигенција, чија цел е да постави стандарди за безбедност и заштита на приватноста, додека технолошките лидери и академиците разговараа за ризиците од технологијата на самитот за безбедноста на вештачката интелигенција минатата недела во Британија.
Грок е производ на двомесечен развој, се наведува во соопштението на „хАИ“, и ќе биде достапен за сите корисници на X премиум+ кога ќе излезе од фаза на тестирање. Маск претходно зборуваше за својата амбиција да го претвори X во еден вид апликација „сè во едно“, слична на Вичет (WeChat) на „Тенсент“ (Tencent Holding Ltd.) во Кина. Грок би бил суштински дел од развојот на тој концепт - додека „хАИ“ е посебна компанија за која вели дека има намера тесно да соработува со X, „Тесла“ и други компании.
