Саудиска Арабија на големо се вклучува во трката за развој на вештачката интелигенција

Инвестицискиот фонд на саудиската „Арамко“ одвои 100 милиони долари за инвестирање во стартапи со вештачка интелигенција, бидејќи сака да го забрза притисокот Саудиска Арабија да стане поконкурентна сила во глобалната вештачка интелигенција.

„Ваед венчрс“ (Wa’ed Ventures) назначи советодавен одбор составен од поранешни вработени од компании како „Мета“ (Meta Platforms Inc) и „Амазон“ (Amazon.com Inc.) за да ги истражи инвестициите во рана фаза во овој сектор. Парите ќе бидат распоредени во следните три години, велат од компанијата.

„Оваа инвестиција не само што ќе ги поттикне локалните претприемачи, туку и ќе ја поддржи локализацијата на глобалните таленти“, рече Анас Алгатани, вршител на должноста главен извршен директор на „Ваед“.

Инвестицискиот фонд на нафтениот гигант „Арамко“ вреден 500 милиони долари, го удвојува капиталот за вештачката интелигенција оваа година, бидејќи Саудиска Арабија има за цел да велзе на листата топ 15 земји за вештачка интелигенција. Фондот неодамна инвестираше 15 милиони долари во јужнокорејскиот производител на чипови „Ребелионс“ (Rebellions Inc.), а исто така се приклучи на круговите за финансирање на платформата за вештачка интелигенција „еј-ај експлејн“ (aiXplain) и фирмата „Тендерд“ поддржана од Питер Тил.

Стратегијата за вештачка интелигенција на Саудиска Арабија е да ја помине оваа деценија користејќи податоци и вештачка интелигенција за да ја поттикне агендата за економска диверзификација позната како Визија 2030 - а потоа да започне да се натпреварува на глобално ниво по 2030 година.

Земјата се натпреварува со Обединетите Арапски Емирати за инвестиции во вештачката интелигенција, при што и двете се тркаат во поставување скапи центри за податоци за да ја поддржат технологијата и да станат регионална технолошка суперсила.

Во моментов нема коментари за веста. Биди прв да коментира...

Остави коментар