Фосилните горива се неопходни за бум на вештачката интелигенција

Подемот на вештачката интелигенција ќе доведе до пораст на побарувачката на електрична енергија, која првично ќе треба да се задоволи со фосилни горива, пред нуклеарките да го заменат тој извор, сметаат познавачите на состојбите на пазарот.

„Со оглед на тоа што центрите за податоци се градат во земји како САД и Јапонија, ќе биде потребно повеќе природен гас на краток рок бидејќи побарувачката за електрична енергија се зголемува толку брзо што нема да имаме време веднаш да изградиме нуклеарни централи“, рече во изјава за „ТВ Блумберг“ Дејл Клајн, претседател на Комитетот за следење на нуклеарните реформи за „Токио електрик пауер“ (Tokyo Electric Power Co.). Клајн е и поранешен претседател на американската нуклеарна регулаторна комисија.

Брзото глобално усвојување на вештачката интелигенција предизвика бум во побарувачката за центрите за податоци, кои се жедни за енергија и од кои зависи технологијата, ставајќи ги на тест електричните мрежи. Иако компаниите, вклучувајќи ги и „Мајкрософт“ (Microsoft Corp.) и „Алфабет“ (Alphabet Inc.) на „Гугл“ (Google), инвестираа во нуклеарна енергија за да обезбедат чиста електрична енергија за нивните капацитети, тоа решение не може да се примени универзално или веднаш.

„Не можеме да ја исполниме оваа голема побарувачка за овие центри за податоци без нуклеарна централа ако сакаме да одржиме намалување на стакленичките гасови“, рече Клајн.

Дури и во САД, каде што има двопартиска политичка поддршка за атомската енергија, ќе се користи гасот за да се реши бумот на побарувачката на енергија од вештачката интелигенција, пред да се изградат мали модуларни реактори и поголеми постројки, смета Клајн.

Во Јапонија, пак, нуклеарната енергија останува чувствителна тема по катастрофата во Фукушима во 2011 година. Додека локалната побарувачка за електрична енергија се намалува поради депопулацијата, експертите сугерираат дека состојбата може да се смени бидејќи нацијата ќе изгради повеќе центри за податоци и постројки за полупроводници.

„На крајот на краиштата, ако Јапонија сака да го одржи синџирот на снабдување со производство и сите негови активности, тие ќе мора да имаат сė повеќе и повеќе електрична енергија“, рече Клајн.

 

Во моментов нема коментари за веста. Биди прв да коментира...

Остави коментар