Месечната обврска за отплата по кредитокорисник минатата година бележи раст и кај кредитите за набавка на станбен простор (на годишна основа за 2,6 проценти) и кај потрошувачките кредити (на годишна основа за 8 проценти), покажуваат податоците на Народната банка.
„Трендот на продолжување на рочноста на новоодобрените кредити продолжи и во 2022 година, што кај одредени домаќинства може да е мотивирано од потребата за исполнување на поставените критериуми за соодносот на отплатата на месечната обврска на кредитот со месечните примања“, се вели во извештајот за ризиците во банкарскиот систем за 2022 година.
Просечната пондерирана рочност при одобрувањето на кредитите за набавка на станбен простор во 2022 година изнесуваше 19,2 години, што е идентично како и во претходната година, додека кај потрошувачките кредити изнесува 8,7 години, што е подолго за 0,2 години во споредба со 2021 година.
Прочитај повеќе
Под хипотека лани ставен имот вреден 1,7 милијарда евра
Лани биле евидентирани вкупно 24.629 купопродажби на недвижности, со вкупна вредност од 961 милион евра.
29.06.2023
Пресметавме колку ќе поскапи станбениот кредит од 50.000 евра
Пондерираните каматни стапки на новоодобрените станбени кредити се зголемиле од 3,18 проценти во јануари годинава на 4,33 проценти во октомври.
15.12.2022
Македонец сведочи за можностите на пазарот за недвижности во САД
Битна разлика меѓу Македонија и САД е што таму станбените кредити се нудат со фиксна камата на 30 години.
15.12.2022
Во структурата на изложеноста на банките кон домаќинствата според висината на месечните примања на кредитокорисниците и натаму се изразени разликите по одделни кредитни производи.
„Кај кредитите за набавка на станбен простор највисоко учество имаат кредитокорисниците со повисок месечен доход ‒ месечни примања над 50.000 денари (52,6 проценти). Од друга страна, населението со понизок доход (со месечни примања до 30.000 денари), кое се смета и како финансиски поранливо, особено во услови на засилување на инфлацијата, има претежно учество во структурата на кредитирањето на физичките лица за финансирање потрошувачка, со учество во потрошувачките кредити 52,6 проценти, а во дозволените пречекорувања и кредитни картички од 57,5 проценти“, укажуваат од Народната банка.
Оттаму додаваат дека за обележување е што на годишна основа учеството на лицата со доход до 30.000 денари се намалува кај сите поединечни кредитни производи, за сметка на зголемувањето на учеството на лицата со доход над 50.000 денари, а делумно и на учеството на лицата со доход од 30.000 до 50.000 денари (поизразено кај кредитите за финансирање потрошувачка).
„Во вкупната изложеност на кредитен ризик на банките кон физички лица учеството на лицата со месечни примања што се помали од 30.000 денари на крајот од 2022 година е 41,5 проценти и во однос на 31.12.2021 година бележи пад за 4,7 процентни поени, додека учеството на лицата со месечни примања над 50.000 денари изнесува 31,4 проценти и на годишна основа е повисоко за 3,3 процентни поени“, велат од Народната банка.
Просечната висина на кредитната изложеност на банките по поединечно лице се разликува во зависност од видот на кредитниот производ.
„Така, просечната изложеност кон поединечно лице врз основа на кредитите за набавка на станбен простор е над 1,5 милион денари, додека врз основа потрошувачките кредити е 381.000 денари, а кај дозволените пречекорување и кредитни картички е 42.000 денари. Бројот на корисниците на кредитите за набавка на станбен простор е помал за шестпати во споредба со корисниците на потрошувачки кредити и за околу 15 пати од бројот на корисниците на дозволени пречекорувања и кредитни картички“, информираат од Народната банка.
.webp){kind=icon}
