Извршниот директор на УБС со остра критика за швајцарските регулатори

Главниот извршен директор на УБС (UBS Group AG), Серџо Ермоти, покажа со прст кон улогата на регулаторите во падот на „Кредит суис“ (Credit Suisse), додека ја интензивира кампањата против владините планови за нови болни правила за компанијата што ја води.

Неколку недели по шокантната најава на швајцарската влада дека ќе бара од банката да има дополнителен капитал од 25 милијарди долари, Ермоти сè повеќе ги истакнува недостатоците од оние одговорни за помалиот ривал кој пропадна минатата година.

„Сегашната регулатива не беше доследно применета за 'Кредит суис' и за тоа треба да се разговара“, рече Ермоти на настан во Луцерн на 23 мај. „Тоа не смее едноставно да се избрише, за потоа да се зборува за поголема регулатива“.

Откако беше поздравена како спасител кога пристапи кон спасувањето минатата година, УБС сега се бори пред судот на швајцарското јавно мислење. Понекогаш се претставува за џиновска банка што може да ја уништи земјата ако некогаш се соочи со проблеми, па супервизорите се принудени да бараат нови начини да се уверат дека тоа никогаш нема да се случи.

За УБС, сепак, тие решенија би можеле да бидат скапи. Со милијарда долари во нови капитални барања, аналитичарите велат дека исходот од владините и парламентарните ревизии може дури и да влијае на способноста на заемодавецот да ги врати средствата на своите акционери.

Depositphotos

Ермоти рече дека плановите за дистрибуција на капитал на банката остануваат непроменети, а исто така рече дека е „прерано“ да се шпекулира за потенцијалното влијание на швајцарските предлози за капитал.

Тој исто така кажа дека се согласува со повеќето од реформските планови на владата, вклучително и напорите за зајакнување на овластувањата на Финма, финансискиот регулатор. Но, расправијата за капиталот внесе тензија во она што вообичаено е многу консензуална позиција.

Неговите критики за неуспеси во услови на швајцарска банкарска супервизија - која ги вклучува Финма и Швајцарската народна банка, а во поширока смисла и Министерството за финансии - сега го поставуваат против овие актери во дебатата што секако ќе следи во наредните месеци.

Новиот шеф на Финма, Стефан Волтер, веќе јасно стави до знаење дека УБС не може да очекува никаква попустливост од него. „Кризата на 'Кредит суис' остро ја илустрираше ранливоста на матичните банки“, рече тој на 14 мај.

Аргументот дека „Кредит суис“ билa слабо регулиранa му помага на Ермоти да тврди дека брзањето за наметнување на нови правила не е мудро кога дури и претходниот систем не бил применуван правилно.

Банката, исто така, тврди дека дополнителните барања за капитал ќе ја стават во неповолна положба на нејзиниот домашен пазар, со што нема да се соочат другите заемодавци во јавна сопственост. УБС сега е единствената глобална системска банка што остана во земјата.

Претставници на УБС, Министерството за финансии и Финма одбија да коментираат.

Дебатата се фокусира на износот на средствата што матичната банка треба да ги држи во однос на нејзините странски подружници. Во случајот на „Кредит суис“, регулаторите тврдат дека ниската капитална поддршка за странските подружнициа ја оставила матичната банка помалку способна да ги апсорбира загубите кога ќе се појави стрес.

Волтер од Финма се залага за владата да одреди 100% капитална поддршка, од околу 60% во моментов. Тоа би можело да значи меѓу 15 и 25 милијарди долари дополнителен капитал за УБС, покрај постојното барање за додавање околу 20 милијарди долари поради ефектите од преземањето, вклучително и поголем биланс на состојба.

Додека другите реформи, како што е давање на Финма поголеми овластувања за рано да интервенира кога ќе забележи проблеми во банка, ќе поминат низ подолг парламентарен процес, прашањето за капиталот може да се направи со уредба. Тоа остава ја остава УБС со помалку можности за реакција.

Во моментов нема коментари за веста. Биди прв да коментира...

Остави коментар