Акциите на Манчестер Ј. скокнаа по најавите за продажба на Катарците

Акциите на Манчестер Јунајтед пораснаа поради зголемените шпекулации за спојување и преземање откако „Дејли мејл“ објави дека катарски инвеститори планираат понуда за купување на клубот од англиската Премиер лига во наредните денови.

Акциите на фудбалскиот клуб во средата скокнаа за цели 16 отсто, што е нивен најголем пораст од крајот на ноември. Понудата ќе дојде од одделни, индивидуални катарски инвеститори кои бараат целосно преземање, објави „Дејли мејл“ доцна во вторникот, цитирајќи неименувани извори. Претставниците на „Манчестер Јунајтед“ не одговориле веднаш на барањето за коментар.

Познатиот клуб е во центарот на дискусии за понуди од минатата година, а акциите се зголемија во ноември по веста дека неговите сегашни сопственици, семејството Глејзер од Флорида, размислува за потенцијална продажба на тимот.

Меѓу заинтересираните страни за клубот се британскиот милијардер и навивач Џим Ретклиф, додека министерот за спорт на Саудиска Арабија, принцот Абдулазиз бин Турки Ал-Фајсал, минатата година изјави дека неговата влада ќе ги поддржи понудите од приватниот сектор за тимот, како и за фудбалскиот клуб Ливерпул.

Семејството Глејзер кон крајот на минатата година потврди дека размислува да го продаде клубот Bloomberg

Акциите на Манчестер Јунајтед пораснаа во изминатите дванаесет месеци, а потегот во средата ги однесе нивните добивки на околу 75 отсто. Скокот, исто така, ја брише загубата од 9,5 отсто колку што беше годинава до затворањето во вторник и ја прекина седумдневната серија на загуби што беше најдолга во повеќе од една година.