Манчестер јунајтед, Ливерпул и Тотенхем се меѓу топ клубовите во Премиер-лигата во Англија што се цел на Катар, земјата што е во инвестициски налет по организацијата на најскапото Светско првенство досега.
Претседателот на „Катар спорт инвестментс“ (КСИ - Qatar Sports Investments), Насер Ал-Хелаифи, неодамна разговарал со претседателот на Тотенхем, Даниел Леви, за можно купување удел во клубот од Лондон, според извор запознаен со текот на состанокот. КСИ, исто така, размислува и за целосно преземање или за удел во ривалите, вклучувајќи ги Манчестер јунајтед и Ливерпул, додава изворот, кој побарал да остане анонимен бидејќи станува збор за содржина од приватни разговори.
Портпаролот на КСИ одби да коментира. Портпаролот на Тотенхем негираше дека имало состанок во врска со продажба на удел во клубот. Портпаролот на Манчестер јунајтед исто така одби да коментира, а и портпаролот на Ливерпул не одговори на барањето за коментар. Разговорите на КСИ се во тек и можеби нема да доведат до договор.
Прочитај повеќе
Пандев: Со „Брера“ ќе инвестираме милиони во повеќе клубови низ светот
„Брера холдингс“ вложува и во „Академија Пандев“, во јануари треба да купи 70 отсто од акциите.
30.11.2022
Американец со нов модел сака да ја сруши европската фудбалска елита
Американецот неодамна влезе во преговори за купување на францускиот тим Олимпик Лион, што ќе биде неговиот најголем влог во играта досега.
11.08.2022
Газдите сакаат да го продадат фудбалскиот клуб Ливерпул
„Фенвеј спортс груп“ ја разгледува ситуацијата во соработка со компаниите „Голдман Сакс“ и „Морган Стенли“.
07.11.2022
КСИ одлучи да разгледа барем една инвестиција во англиската Премиер-лига откако беше домаќин на Мундијалот, чија организација властите во Катар ја оценија како успешна. Овој потег е и заштита од инвестиции во лиги од понизок профил, како Португалија, а е посакуван поради континуираниот раст на Премиер-лигата и нејзиниот профил од светска класа.
Bloomberg
Секој потенцијален договор, за целосно преземање или малцински удел, дополнително ќе ја зацврсти стратегијата на Катар за инвестирање во спортски средства, делумно за да го зајакне профилот на земјата и исто така да го инвестира своето огромно богатство стекнато од природни ресурси.
Катар потроши над 200 милијарди долари во текот на изминатата деценија за реконструкција на инфраструктурата на земјата во пресрет на Светското првенство. Покрај изградбата на сосема нови стадиони и цели општини, Катар исто така купува спортски средства, вклучувајќи и преземањето на ПСЖ, удел во португалскиот Брага и развојот на медиумската групација beIN, фокусирана на спорт.
Американското семејство Глејзер, кое е сопственик на Манчестер јунајтед, бара инвеститор и можеби е подготвено да го продаде клубот, додека сопствениците на ривалот и премиерлигашки гигант Ливерпул исто така размислуваат за продажба.
Тотенхем, кој изгради најсовремен нов стадион, со капацитет од над 60.000 гледачи, е проценет на нешто помалку од 2 милијарди евра (1,8 милијарда фунти), според „Фудбал бенчмарк“ (Football Benchmark), агенција за податоци од индустријата и консултант. Ривалот Челзи минатата година беше продаден за 2,5 милијарди фунти на американски конзорциум.
Нејасно е дали КСИ има разговарано за договор со други клубови од Премиер-лигата, но секоја потенцијална понуда во моментот е во рана фаза. „ЦБС спортс“ (CBS Sports) прв објави за средбата помеѓу КСИ и Тотенхем.
Во 2019 година, КСИ разговараше за преземање удел во Лидс јунајтед, кога тимот со седиште во Јоркшир играше во вториот ранг на натпреварување. Два од најголемите тимови во Премиер-лигата, Манчестер јунајтед и Ливерпул, минуваат низ процеси што може да доведат до продажба на удели или со нивна целосна продажба.
Во Премиер-лигата веќе има два клуба со сопственици од Блискиот Исток - Манчестер сити во сопственост на „Сити фудбал груп“ (City Football Group), со седиште во Абу Даби, и Њукасл јунајтед, неодамна купен од конзорциум поддржан од богатиот фонд на Саудиска Арабија.
Bloomberg
„Постоеше зголемен интерес во клубовите од англиската Премиер-лига што размислуваат за продажба на малцински удели“, вели Адам Сомерфелд, управен партнер во „Цертус капитал партнерс“ (Certus Capital Partners). „Клубовите гледаа како Манчестер јунајтед и Ливерпул ги започнуваат процесите и сега реагираат така што остануваат отворени за разговори со инвеститорите“, додава тој.
Трендот на сопственост на повеќе клубови зема замав, со околу 200 тима во сопственост на групации што поседуваат или имаат инвестиции во повеќе од еден клуб. „Сити фудбал груп“ сега целосно поседува десет клуба, вклучувајќи го и Манчестер сити. Брендот за енергетски пијалаци „Ред бул“ поддржува група што ги вклучува Салцбург и Лајпциг, а „777“ со седиште во Мајами го проширува своето сопственичко портфолио со клубови како Џенова, Ред стар Париз и Херта Берлин. „Игл фудбал холдингс“ (Eagle Football Holdings) на Џон Текстор поседува удели во Ботафого, Олимпик Лион, Кристал палас и РВД Моленбик.
Правилата на УЕФА забрануваат два тима во целосна сопственост на иста групација да влезат во едно од европските натпреварувања, но моментално нема правила за да се спречи еден тим во одредено натпреварување да има малцинска позиција во друг во истото натпреварување.
.webp){kind=icon}