.webp){kind=icon}
Новите богаташи ги напуштаат долгогодишните тактики за инвестирање и се вртат кон создавање портфолија кои се повеќе базирани на крипто и колекционерска страст.
Околу 94 отсто од генерацијата зед (Gen Z) и милениумските инвеститори се заинтересирани да собираат предмети како часовници, ретки автомобили и патики, според новото истражување на богатите Американци спроведено од страна на Банка на Америка (Bank of America Corp). Тоа беше највисокиот процент од која било анкетирана генерација, при што само 57 отсто од бејби бумерите изразиле интерес за колекционерски предмети.
Резултатите го илустрираат продлабочувањето на генерацискиот јаз меѓу зумерите и милениумците од една страна и бумерите од друга страна, според истражувањето. Со оглед на тоа што речиси три четвртини од помладите богати Американци велат дека акциите и обврзниците сами по себе не можат да дадат натпросечни приноси, иднината на богатството сè повеќе се врти кон неконвенционални инвестиции.
„Миленијалците и генерацијата зед имаат тенденција да бидат заинтересирани за алтернативни средства“, вели Дру Вотсон, шеф на уметнички услуги во Банка на Америка.
При идентификувањето на секторите кои ветуваат најголеми придобивки, помладите Американци гравитираат кон нови начини за зголемување на богатството. Додека недвижностите остануваат на прво место и за помладите и за постарите инвеститори, помладата група - на возраст од 21 до 43 години - ги рангира криптовалутите и дигиталните средства и инвестирањето во лична компанија или бренд како облози со најголеми шанси за раст, повеќе од што тоа го прават претставниците на постарите генерации.
Помладите богати инвеститори имаат приближно иста распределба на акции, обврзници, нетрадиционални средства и криптовалути, без разлика дали тие сами ја идентификуваат својата инвестициска стратегија како агресивна, умерена или конзервативна.
Помладите инвеститори претпочитаат нетрадиционални класи на средства
Bank of America
„Изборот на портфолио кај помладите сугерира промена на перспективата меѓу генерациите“, се вели во извештајот на Банка на Америка. „Како што младите и старите различно ги рангираат можностите за инвестирање, така и нивните гледишта за ризикот може да се разликуваат.
Младите богати Американци ги наведуваат социјалните медиуми како примарен извор за финансиски вести, образование и совети, што претставува огромна промена од постарите генерации кои повеќе ги фаворизираат традиционалните вести.
„Половина од помладите луѓе претпочитаат да ги добиваат своите финансиски содржини од социјалните мрежи, кои би можеле да промовираат непроверени совети исто толку лесно како што тоа го прават со истражени и докажани насоки“, се вели во извештајот. Банката на Америка анкетирала повеќе од 1.000 испитаници кои имале најмалку три милиони долари инвестициски средства.
Социјалните мрежи се омилен извор на информации за помладите генерации
Bank of America
Дури и кога нивната верба во традиционалните финансиски стратегии опаѓа, повеќе од половина од богатите помлади Американци анкетирани рекле дека економијата на САД е „многу добра“ или „одлична“, околу двојно повеќе од постарите Американци.
