.webp){kind=icon}
Дали некогаш сте зажалиле за печатна грешка во вашето CV (Curriculum Vitae) откако ќе го притиснете копчето за испраќање на апликацијата? Една неодамнешна студија од Европа има лоши вести: ваквата грешка може да ве чини интервју, особено ако не аплицирате за работа на биро.
Наоди на истражувачи од Белгија објавени во списанието „ПЛОС уан“ (PLOS One) покажуваат дека правењето само на пет правописни грешки во резимето може да ги намали шансите да ви биде понудено интервју за 18,5 процентни поени. Процентите кај жените и физикалците се уште поригорозни.
Студии и во минатото покажувале дека грешките во резимето може да им наштетат на шансите за интервју на апликантот, но истражувачите тврдат дека нивната студија е пореална бидејќи опфаќа само неколку грешки, а не значителни бројки какви што биле симулирани во минатите експерименти. Дури и само две грешки можат да ја намалат веројатноста кандидатот да биде повикан на разговор за 7,3 процентни поени, укажуваат тие.
Прочитајте повеќе: Сакате нова работа во 2023? Избегнете ги овие 6 грешки во вашето CV
„Регрутерите не само што не ги одобруваат резимеата полни со грешки, туку, како што сега докажавме, применуваат казни и кај резимеа што содржат релативно малку грешки“, посочуваат авторите.
Наодите се засновани на 1.335 резимеа прегледани од 445 регрутери во Фландрија, регион во северниот дел на Белгија каде што се зборува холандски. Од секој регрутер било побарно да прегледа три резимеа на дипломирани студенти, со правописни грешки кои се движат од нула, две или пет. Други аспекти, како што се полот, хобито и нивото на образование на апликантот, биле изменети.
Но, не сите резимеа се еднакви. Истражувањето се однесувало на осум фиктивни слободни работни места, и за физичка и за канцелариска работа, како што е контролор на летање или секретар, и открило дека постои тенденција оние што се пријавуваат за позиции со физичка рабата да бидат построго оценувани за резимеата со пет правописни грешки.
Жените, исто така, трпат поголеми казни, иако маргинално. Спротивно на тоа, оние што посочиле дека имаат волонтерска работа, добиваат т.н. „тампон ефект“, па регрутерите често се попустливи во однос на нивните правописни грешки.
Ова може да укаже на тоа дека регрутерите го користат образованието како показател за интелигенција или волонтирањето како знак за интерперсонални вештини, со што е поголема веројатноста да ги оправдаат правописните грешки. Спротивно на тоа, „регрутерите би можеле да ги толкуваат правописните грешки во резимето како кршење на нормите кај жените, помалку отколку кај мажите“, се наведува во резултатите од истражувањето.
И покрај ограничувањата поради симулираното истражување, креаторите велат дека наодите предизвикуваат загриженост и упатуваат на потреба процедурите за вработување да се направат поправедни. Со анкетирање на учесниците, тие увиделе дека регрутерите ги оценуваат оние што прават правописни грешки како послаби комуникатори и помалку вредни работници.
Едно е јасно за оние кои бараат нова работа. „Идните апликанти пред испраќање треба внимателно да ги проверуваат нивните апликации за правописни грешки бидејќи тие се покажуваат како пропусти кои можат да чинат многу во процесот на вработување“, велат истражувачите.
