Трендот е наречен „Голема оставка“ бидејќи армијата работници ги напушта своите работни места во потрага по повисоки плати, подобри часови и поатрактивни бенефиции. Најголемите консултантски фирми во Обединетото Кралство беа меѓу најтешко погодените кога пандемиските заклучувања завршија додека нивниот персонал се обидуваше да најде нови работни места.
„Големата оставка е заменета со застој додека не закрепне глобалната економија“, рече Франческа Лагерберг, извршен директор на „Бакер Тиллу“ (Baker Tilly International). Таа истакна дека, сметководствената група на компанијата Обединетото Кралство, е сведок на вработените кои даваат помалку известувања за отказ од вообичаеното.
Таа не е единствената која забележува промена во ставот. Според податоците на „Комсултинг Поинт“ (Consulting Point) и разговорите со консултантски фирми и компании за вработување, се чини дека побавните договори и загриженоста за економската несигурност ги обесхрабриле консултантите да ги менуваат работните места.
Помалку од 750 луѓе ги напуштија одделите во Обединетото Кралство на сметководствените фирми за големата четворка, „Ернст и Јанг“ (Ernst & Young), „Прајсвотерхаус Куперс“ (PricewaterhouseCoopers), „Делоит“ (Deloitte) и „КПМГ“(KPMG) - минатиот месец.
Во август минатата година тој број надмина 1.500, покажуваат податоците. Слична е ситуацијата и во компаниите „МеКинзи“ (McKinsey & Co), „Баин“ (Bain & Co.) и „Бостон Консалтинг Груп’, кои забележаа 87 заминувања на крајот на летото, што е околу половина повеќе од минатата година.
Оваа година, исто така, има помалку отворени позиции бидејќи сметководствените фирми го стегаат ременот. Според „Консултинг Поинт“ (Consulting Point), големата четворка вработила околу 790 луѓе во август. Минатата година тој број беше повеќе од 1.500.
Намалувањето, или бројот на луѓе кои заминуваат и чии позиции остануваат непополнети, сега е половина од нормалната стапка во консултантскиот свет, изјавија за „Блумберг њус“ неколку регрутери.
Со оглед на тоа што помалку работни места бараат консултанти и економска несигурност, консултантите исто така се соочуваат со одлуките на клиентите да ги намалат трошоците со одложување на долгорочните инвестиции.
„Стратешкото советување помина прилично тивко. Луѓето кои работат на спојувања и превземања и стратегии за раст се отпуштаат, а не се вработуваат“, рече Метју Бенет, директор на „Асцент Професионал“ (Ascent Professional Services). „Бројот на луѓе кои добиваат отказ затоа што се технолошки вишок е поголем од вообичаеното, а има помалку луѓе кои се откажуваат затоа што се нервозни за пазарот“.
Bloomberg Mercury
Сегашната ситуација е пресврт за компаниите од големата четворка, кои ангажираа стотици илјади луѓе кои веруваат во закрепнување по пандемијата и се обидуваат да надоместат за бранот отпуштања помеѓу средината на 2021 и 2022 година. Заедно, четирите компании вработуваат повеќе од 80.000 луѓе во Обединетото Кралство, што го прави секторот клучен показател за расположението меѓу финансиските работници.
„Ернст и Јанг“ неодамна ги објави плановите за намалување на околу пет проценти од персоналот од својата консултантска компанија за финансиски услуги во Обединетото Кралство поради забавување на побарувачката, додека конкурентот „Прајсвотерхаус Куперс“ рече дека ги намалува зголемувањата на платите и бонусите за некои од своите 25.000 вработени.
Ова влијае на десет проценти од наведените оддели, а тоа не го зема предвид овогодинешниот бран на доброволни отпуштања, според Ричард Стјуарт, извршен директор на консултантската компанија за регрутирање „Миндбенч“(Mindbench).
Индустријата за професионални услуги е најголемиот работодавач на дипломирани студенти во Британија, вработувајќи околу 8.000 минатата година, речиси двојно повеќе отколку во јавниот сектор. Повеќето од нив се приклучуваат на компаниите во септември, обично најпрометниот период на вработување во индустријата. Речиси 6.000 луѓе почнаа да работат во водечките сметководствени фирми во Велика Британија само во тој месец минатата година.
Bloomberg Mercury
„КПМГ“ е на пат да вработи околу 1.400 дипломци и специјализанти во оваа година, рече главната директорка за човечки ресурси Лиза Фернихау.
Тие се приклучуваат на индустријата со многу помалку раздвижување отколку што може да очекувате.
Компанијата „Ернст и Јанг“ истакна дека дваесет проценти од нејзините вработени во регионот ја напуштиле компанијата во јуни, што е помалку од околу 24 проценти во истиот период минатата година. Во САД, на американските партнери на „КПМГ“ им беше кажано дека ќе добијат намалување на платата за 50 отсто за време на шестмесечента отпремнина ако дадат отказ за да се приклучат на ривалска фирма, што ќе го направи менувањето на работодавците уште понепривлечно.
Сегашните можности за работа не доаѓаат со доволно големо покачување на платата за да се гарантира преселба, особено во споредба со зголемувањето на платите во текот на изминатите две години.
Трендот можеби нема да трае вечно, но загрижувачки за компаниите е тоа што најталентираните вработени на крајот може да си заминат. За 12 месеци, врвните функционери може да почнат да бараат работа на друго место, ако се фрустрирани што високите позиции не се ослободуваат.
.webp){kind=icon}
