text size
Во 2023 година, 9,8 милиони луѓе во ЕУ работеле како ИКТ-специјалисти, што претставува 4,8 проценти од вкупниот број вработени. Во ЕУ има тренд на раст кај специјалистите за ИКТ во изминатите неколку години, при што бројот на луѓе кои работат во оваа област се зголемил за 1,5 процентни поени (п.п.) во однос на 2013 година и за 0,2 п.п. во споредба со 2022 година (4,6 проценти ),информира Евростат.
Меѓу земјите на ЕУ, во 2023 година, уделот на специјалисти за ИКТ бил највисок во Шведска (8,7 проценти), потоа Луксембург (8 проценти) и Финска (7,6 проценти). Најмали удели се забележани во Грција (2,4 проценти), Романија (2,6 проценти) и Словенија (3,8 проценти).
Според податоците на Државниот завод за статистика во 2023 година во земјава имало вкупно 688.296 вработени од кои 24.254 лица биле вработено во ИКТ секторот односно 3,5 проценти од вкупниот број вработени. Пред десет години, во 2013 година од вкупно 685.479 вработени во Македонија, 11.387 работеле во ИКТ секторот или 1,6 проценти.
Инаку, уделот на жените кои работеле како специјалисти за ИКТ вп ЕУ изнесувал 19,4 проценти во 2023 година, што е зголемување за 2,7 п.п. во споредба со 2013 година (16,7 проценти) и 0,5 п.п. во споредба со 2022 година (18,9 проценти).
На ниво на земја, највисок удел на жени меѓу вработените ИКТ специјалисти се забележани во Бугарија (29,1 проценти), Естонија (26,8 проценти) и Романија (26 проценти), додека најмал удел се забележани во Чешка (12,4 проценти), Малта (13,8 проценти), Унгарија и Италија (и двете по 15,7 проценти).
.webp){kind=icon}
