Германија постојано бара странски висококвалификувани професионалци, меѓутоа земјата исто така привлекува и има потреба од повеќе сезонски работници, особено за време на врвната туристичка сезона. „Студирање во Германија“ (Studying-In-Germany), најголемата платформа за информации за студирање во оваа земја, подготви детален истражувачки труд за вработување за странски студенти. Истражувањето се фокусира на најпопуларните и најкорисните летни работи, платите за сезонските работни места, условите за работна виза за одмор и други правни регулативи.
Според истражувањето, државјаните на Македонија и другите земји од Западен Балкан (Албанија, Босна и Херцеговина, Косово, Црна Гора и Србија) се квалификувани за привремени работни визи во Германија, благодарение на правилата за Западен Балкан. Од 1 јуни годинава Германија исто така го удвои бројот на годишни работни визи за Западен Балкан на 50.000.
Какви се условите?
За студенти од Македонија да заминат на сезонска работа е потребно да имаат договор за вработување или понуда за работа во Германија. Исто така, Федералната агенција за вработување мора да ја одобри работата за да осигури дека нема квалификувани германски или ЕУ-кандидати достапни за позицијата. Кандидатите што сакаат да работат не може претходно да биле корисници на бенефиции според Законот за бенефиции за баратели на азил во последните 24 месеци пред аплицирањето. Студентите треба да аплицираат за работна виза во Германската мисија во Македонија.
Depositphotos
Каде може да се работи?
Студентите од Македонија и други земји што сакаат да го поминат летниот одмор во Германија како сезонски работници можат да најдат работни места во неколку сектори, вклучувајќи ги земјоделството, туризмот, гастрономијата и малопродажбата.
Depositphotos
Тие исто така имаат можност за престој и работа кај германски семејства (Au Pairs). Во тој случај се престојува кај германско семејство, кое обезбедува соба, пансион и мал месечен додаток во замена за грижа за децата и лесни домашни работи, кои може да потраат до 30 часа неделно.
Во зависност од работата, просечните плати на час се движат од 12 до 20 евра.
.webp){kind=icon}
Во моментов нема коментари за веста. Биди прв да коментира...