Корпорацијата „Старбакс“ (Starbucks Corp.) му додели на новиот главен извршен директор, Брајан Никол, околу 96 милиони долари по само четири месеци работа минатата година, што претставува еден од најголемите пакети за компензација во корпоративна Америка.
Околу 94 проценти од платата на Никол потекнува од награди за акции, пишува во извештајот. Поголемиот дел од нив се поврзани со перформансите, а дел се временски дефинирани и се доделуваат во период од три години. Никол, кој се приклучи на „Старбакс“ на почетокот на септември, доби и бонус од пет милиони долари по неговата едномесечна работа во компанијата.
„Старбакс“ лани го смени својот претходен извршен директор по низата падови на продажбата. Никол беше регрутиран од „Чипотл мексикан грил“ (Chipotle Mexican Grill Inc.) за да направи пресврт во бизнисот. Ланецот кафетерии не бараше од Никол да се пресели во Сиетл, каде што е седиштето на „Старбакс“ и се согласи да ги покрие трошоците за привремено сместување во областа, како и директорот да го користи авионот на компанијата.
Прочитај повеќе
„ЏП Морган“ собори рекорд, па директорот доби плата од 39 милиони долари
Во 2024-та најголемата американска банка го надмина сопствениот рекорд за највисока годишна добивка во историјата на американското банкарство.
24.01.2025
Просечната плата во ноември била 42.000 денари, реално пораснала за пет отсто
Просечната нето-плата во ноември е 41.999 денари и номинално е повисока за 9,5 отсто, а реално за пет отсто.
21.01.2025
Прогноза: Трендот на раст на платите во регионот ќе продолжи
Очекуваме дека во 2025 година платите ќе продолжат да растат, со двоцифрени стапки на раст.
26.12.2024
Вчерашниот извештај покажува дека компанијата „Старбакс“ платила повеќе од 143.000 долари за трошоци за домување. Никол, исто така, потрошил околу 72.000 долари летајќи на релација меѓу неговиот дом во јужна Калифорнија и Сиетл, како и околу 19.000 долари за друга лична употреба на авионите на компанијата.
„Блумберг“ процени дека годишниот пакет на приходи на Никол изнесувал околу 113 милиони долари во моментот на неговото вработување, при што голем дел е поврзан со капиталот што треба да ги замени наградите од неговиот претходен работодавец од кои тој мораше да се откаже. Никол е рангиран близу до првите 20 најплатени извршни директори, според индексот на плати на „Блумберг“.
Во извештајот „Старбакс“ напоменува дека Никол бил „многу баран, ефективен лидер со докажано искуство што може да го поттикне растот на ланецот“.
.webp){kind=icon}
Во моментов нема коментари за веста. Биди прв да коментира...