Глобалната инвестициска банка „Голдман Сакс“ (Goldman Sachs) неделава започнува со едно од најголемите кратења на работните места, при што се очекува да бидат укинати околу 3.200 позиции.
„Повеќе од една третина од тие работни места се однесуваат на клучните оддели за тргување и банкарско работење, што само го потврдува широкиот опсег што го покриваат кратењата“, велат извори блиски до процесот во банката што побарале да останат анонимни.
Портпаролот на банката со седиште во Њујорк одби да ги коментира наводите.
Од крајот на 2018 година, бројот на вработени во „Голдман Сакс“ под водство на главниот извршен директор Дејвид Соломон е зголемен за 34 отсто, на повеќе од 49 илјади.
Забавувањето во различни сегменти од бизнисот, скапиот и неуспешен настап во малопродажбата и неизвесната перспектива на пазарите и економијата во моментот ја принудуваат банката да ги намали трошоците.
Аналитичарите очекуваат дека банката за изминатата година ќе оствари 46 отсто помала профитабилност, со приходи од околу 48 милијарди долари.
Bloomberg Chartmaker
Последните отпуштања од овој обем се случија по колапсот на „Леман брадерс“ (Lehman Brothers) во 2008 година, кога „Голдман Сакс“ почна да отпушта речиси 10 отсто од својата работна сила, или повеќе од три илјади луѓе, а високото раководство се откажа од бонусите.
Тековниот бран на отпуштања е признание дека деловните сегменти што имале подобри резултати од очекуваното мора да го преземат товарот на сегментите што не успеале.
Во однос на претходната година, годинава значително ќе се намалат и бонусите. На пример, за 2021 година Соломон доби бонус од 35 милиони долари, што заедно со Џејмс Горман од „Морган Стенли“ (Morgan Stanley) го рангира меѓу најплатените извршни директори на големите американски банки.
.webp){kind=icon}
