„Нисан“ (Nissan Motor Co) има цел да ја зголеми продажбата на автомобили во Европа и да го направи регионот еден од четирите основни пазари, објави денеска „Фајненшл тајмс“, цитирајќи интервју со висок извршен директор.
Производителот на автомобили ќе ја подигне Европа на исто ниво на важност како Јапонија, Кина и САД, откако доби пазарен удел во регионот во последните години, рече во интервјуто главниот оперативен директор на „Нисан“, Ашвани Гупта.
„Нисан“ ги намали инвестициите во Европа, но ќе ги смени претходните планови за намалување на гамата на модели во регионот, се наведува во извештајот. Јапонската компанија неодамна ги обнови своите често оптоварени деловни односи со францускиот производител на автомобили „Рено“ (Renault SA) и постави нови проекти за соработка, вклучувајќи и некои во Европа.
„’Нисан’ сега планира да воведе почетен модел на електрично возило за продажба во Европа и ќе го зголеми делот на хибриди и електрични возила во својата линија на автомобили во Европа на 98 проценти до 2026 година, што е зголемување од претходно објавените 60 отсто“, рече Гупта за „Фајненшл тајмс“.
.webp){kind=icon}