Дури 96,4 отсто од компаниите се соочуваат со зголемени трошоци за енергија и репро материјали поради војната во Украина, покажуваат резултатите од анкетата за деловната клима во Северна Македонија 2021/2022 спроведена помеѓу компаниите членови на Македонско-Германското стопанско здружение.
Според одговорите, 64,3 отсто од компаниите очекуваат прекин во глобалниот синџир на снабдување, а 46,4 отсто веќе се соочуваат со недостиг на материјали кои им се потребни за производство.
„28,6 отсто очекуваат да дојде до прекин на производството и исто толку испитаници очекуваат да има пад во нарачките. 25 отсто очекуваат да дојде до нарушување на трговската размена. Само 14,7 отсто очекуваат дека војната ќе предизвика губење на деловни партнери.“, информираат од здружението.
Само 13,8 отсто од компаниите очекуваат до крајот на 2022 да дојде до нормализирање на меѓународниот синџир на снабдување, а 55,2 отсто очекуваат тоа да се случи дури во 2023 година.
„Во нашето истражување на прашањата поврзани со оценката на локалните уловите испитаниците се задоволни од трошоците за придонеси, продуктивноста и подготвеноста за работа на персоналот. Испитаните компании со најслаба оценка ја оценија борбата против корупција и криминалот. Но сметаа дека треба да има подобрување и во правната сигурност, политичка стабилност, инфраструктурата, како и поголема транспарентност при јавните набавки. Даночниот систем даночните отпретување и наплатата на побарувања се оценети како мошне подобри во споредба со изминатите години. Компаниите најзадоволни се од своите вработени, со највисока оценка се оценува продуктивноста на стручниот кадар и мотивацијата на вработените“, соопштија од здружението.
Резултатите од анкетата ги презентираа Патрик Мартенс, директор на Делегацијата на германското стопанство во Северна Македонија и раководен член на Управниот одбор на Македонско-Германското стопанско здружение и Ото Граф, заменик амбасадор на Сојузна Република Германија во Северна Македонија.
„70 отсто од испитаниците се задоволни од состојбите во сопствената компанија и повторно би инвестирале во земјата, оваа година тоа го видовме кај повеќе компании, тие го проширија своето производство и го зголемија бројот на вработени, што претставува одличен показател, а и трговската размена бележи рекордна година, за 6 години се има двојно зголемено. Во Северна Македонија работат 200 компании со германски капитал кои вработуваат 20.000 лица, што игра важна улога на пазарот на трудот“, изјави Мартенс.
Од здружението укажаа дека во 2021 година стопанството се‘ уште ги чувствувало последиците кои ги предизвика пандемијата, но и покрај оваа состојба трговската размена помеѓу Германија и Северна Македонија забележала рекордна година.
Македонско-Германско стопанско здружение
Во 2021 година од Северна Македонија во Германија се извезени добра во вредност од 3.474 милијарди евра, увозот од Германија 1,244 милијарди евра, додека вкупната трговска размена изнесува 4.719 милијарди евра и е зголемена во споредба со 2020 за 907 милиони евра.
.webp){kind=icon}
Во моментов нема коментари за веста. Биди прв да коментира...