text size
Компанијата сопственик на Фејсбук, „Мета“ (Meta Platforms), планира да отпушти околу 10.000 вработени и да затвори околу 5.000 отворени позиции во вториот голем круг на кратења на работните места во последните шест месеци, бидејќи се обидува да ги намали трошоците и да ја подобри ефикасноста.
„Целта на компанијата е да изврши порамнување во својата организација, со отстранување повеќе слоеви на управување“, рече извршниот директор Марк Закерберг во изјава во вторникот. Најголемата светска компанија за социјално вмрежување во ноември отпушти 11.000 луѓе или 13 отсто од својата работна сила. „Блумберг“ претходно објави дека кратења имало и порано.
Вработените во „Мета“ во последните недели се подготвуваат за нови отпуштања. Закерберг отворено зборува за потребата од давање приоритет на проектите и инвестициите, нарекувајќи ја 2023-та „година на ефикасност“ и навестувајќи дополнителни кратења на работни места. На почетокот од годинава, „Мета“ започна внатрешен процес на реструктурирање познат како „порамнување“, елиминирајќи некои менаџери од средно ниво и барајќи од другите да се вратат на индивидуални соработнички улоги наместо да надгледуваат други вработени.
Прочитај повеќе
„Мета“ неделава ќе отпушти уште илјадници вработени
Компанијата „Мета“, која е сопственик на „Фејсбук“ и „Инстаграм“, планира нов круг отпуштања.
07.03.2023
„Мета“ планира уште илјадници нови откази низ светот
„Мета“ се подготвува за нова рунда кратења на работните места во различни сектори низ светот.
22.02.2023
„Мета“ бара од менаџерите да ги засукаат ракавите или да заминат
Компанијата бара од нејзини директори да преминат на индивидуални соработнички позиции или да заминат.
08.02.2023
Компанијата, која ги поседува Инстаграм (Instagram) и Ватсап (WhatsApp), забележа забавување на приходите од реклами, што доведе до првиот годишен пад на продажбата во 2022 година. Закерберг ги промени фокусот и инвестициите на „Мета“ во текот на изминатата година кон технологија за виртуелна реалност и т.н. метаверзум, кој тој го замислува како следната голема компјутерска платформа.
Бројот на вработени во „Мета“ драстично се зголеми за време на пандемијата на ковид-19, бидејќи побарувачката за дигиталните услуги на компанијата беше во пораст. Работната сила на гигантот за социјални мрежи порасна за 30 отсто во 2020 година, првата година од пандемијата, а потоа за 23 отсто во 2021 година. До моментот кога „Мета“ почна да ги елиминира работните места во ноември минатата година, компанијата имаше повеќе од 87.000 вработени.
.webp){kind=icon}
