Пешев: Државата да се однесува како навистина да е криза

За стопанството 2022 година ќе биде потешка и од пандемиските години, констатира извршниот директор на Стопанската комора на Македонија. Според него, во ваква ситуација најважно е државата да се однесува како навистина да е во криза.

„Потребна е државна стратегија за компаниите да го преживеат мулти кризниот период и да создадат услови за натамошно функционирање. За нас во Комората е важно државата да се однесува како навистина да е во криза, кое ќе подразбира дека ќе имаме потреба од кризни штабови кои ќе помагаат да се преживее овој период, затоа што ако нешто треба да успееме паралелно со заштита на стандардот на граѓаните е да ја зачуваме и економија за подолг период“, вели Пешев.

Анализите на Комората покажуваат дека македонската економија се наоѓа пред едно од најголемите иксушенија од осамостојувањето. Затоа, во сите преговори со Владата треба да се појде од потребата за носење на мерки кои ќе овозможат да се издржи подолг временски период, бидејќи не станува збор за последици кои ќе траат неколку месеци, туку многу подолго. Очекувањата на компаниите се дека последиците од ова акриза ќе се чувствуваат најмлаку две до три години .

„Мислам дека светот никогаш не бил во поголемо искушение, особено Европа, пазарот на кој ние како држава сме ослонети многу. Прекинати се традиционалните извори на енергија, прекинати се ланците за снабдување, намалена е побарувачката, а на светот во периодот што следува во најава е и голема криза со храната. Сето ова упатува на потребата да се биде многу рационален, да се менаџира со ресурсите и не е случајно што најголемите светски економии почнувајќи од Германија, повикуваат на рационално оденсување кон изворите, ресурсите, рационално управување со сите можни извори на економијата, со што дури малку и смешно изгледа тоа што повикуваат на штедење. Навистина на светот му треба мега штедење, заради тоа што се наоѓа во ситуација во која оваа криза мора да биде превагната во многу кратко време“, вели Пешев.

Во ваква ситуација, членките на Комората бараат од Владата итни решенија за скапата стуруја која ги зголеми сметките на компаниите повеќекратно што е закана и за нивната ликвидност. Посебен проблем се договорите за јавните набавки во компаниите кои се склучени на подолг рок (над една година) со фиксни цени. Во услови на дневно менување на цените се доведува во прашање исплатливоста на овие договори, но отворена е и можноста компаниите да се воздржат од учестви на нови тендерски постапки. За подобрување на состојбата, Комората бара стабилна даночна политика, но и навремен поврат на ДДВ од страна на државата. Во услови на намалена ликвидност на фирмите, исклучително е важно државата навреме да си ги сервисира долговите кон стопанството. Исто така, бараат измена на Законот за извршување, кој пропишува долги рокови во кои државата може да си ги плаќа обврските. Компаниите уште еднаш бараат државата да ги преиспита одредбите од Законот за работни односи  со кој недела сстана неработен ден за најголем дел од дејностите во земјава.