„Алибаба груп“ (Alibaba Group Holding Ltd.) го менува ветеранот на чело. Даниел Жанг, кој осум години го предводеше кинескиот лидер за онлајн трговија, се повлекува од највисокото место во компанијата.
Другиот претседател, Џозеф Цаи, долгогодишен соработник на милијардерот Џек Ма, ќе ја преземе неговата позиција како претседател на одборот на директори. Еди Ву, актуелниот претседател на два оддела на „Алибаба“, „Таобао“ (Taobao) и „Тимол“ (Tmall), ќе ја преземе функцијата извршен директор на компанијата вредна 240 милијарди долари.
Шокантното заминување на Жанг доаѓа откако „Алибаба“ најави поделба на шест одделни компании за да се обиде да го поттикне растот и да создаде група на поврзани, но независни лидери во различни области. Тој ја детализираше својата амбициозна визија токму кога „Алибаба“ го објави својот трет последователен квартал со едноцифрен раст на приходите.
Џек Ма
Bloomberg
„Добра работа е што новиот извршен директор и претседателот на одборот се коосновачи на компанијата и се блиски соработници на основачот. Тоа значи дека Ма останува духовен водач на ’Алибаба’“, рече Кени Вен, шеф на инвестициска стратегија во КГИ (KGI Asia Ltd). „Мислам дека промената во менаџментот не сигнализира голема промена во стратегијата“, додаде тој.
Жанг ќе остане шеф на одделот за облак. Тој го презеде кормилото во 2015 година, откако стана познат како еден од креаторите на иницијативата „нова малопродажба“ на „Алибаба“, што требаше да ги спои физичката и онлајн малопродажба и да ја прошири доминацијата на компанијата. Тој стана претседател на одборот неколку години подоцна, додека „Алибаба“ растеше. Во еден момент „Алибаба“ стана највредната компанија во Кина.
Потоа, во 2020 година, регулаторите се пресметаа со Мао и неговата „Ант груп“ (Ant Group Co.), откако милијардерот ги налути властите. Набрзо потоа Пекинг започна акција против технолошките компании во приватна сопственост, а „Алибаба“ исто така беше обвинета за создавање монопол.
Компанијата никогаш потоа не ја врати претходната стапка на раст, особено затоа што во нејзината основна дејност влегоа нови учесници, како „Бајтденс“ (ByteDance Ltd.) и ПДД (PDD Holdings Inc.). „Алибаба“ почна да го губи уделот на пазарот во облак, нејзиниот втор мотор за раст.
Ова „го враќа стариот менаџмент на ’Алибаба’ на сцената“, рече Вилер Чен, висок аналитичар во „Форсит“ (Forsyth Barr Asia). „Не сум сигурен дали тоа е добро за компанијата, бидејќи клучот сега треба да биде нов двигател на раст и план за реструктурирање“, заклучи тој.
.webp){kind=icon}
