.webp){kind=icon}
Работниците од генерацијата зед (Z) во Обединетото Кралство сè повеќе бараат помалку стресни работни места со разумна плата бидејќи им даваат приоритет на рамнотежата помеѓу работата и животот во однос на културата на метежот и вревата што ја прифатија претходните генерации.
Веб-страницата за работни места „Адзуна“ (Adzuna) забележа зголемување на кликовите на огласи за работни места како што се канцелариски администратори, менаџери и маркетинг соработници, кои се поврзани со поголема флексибилност и помалку стрес. Се зголемува интересот за, како што вели „Адзуна“ (Adzuna), типични работни места за помлад персонал каде што луѓето лесно можат да ја балансираат работата и животот додека заработуваат најмалку 35.000 фунти годишно.
Ова значи дека улогите овозможуваат флексибилност со работното време и работата надвор од канцеларија, без големи одговорности како што се управување со тим или редовно прекувремена работа. Кликовите на рекламите објавени на интернет просторот на дневна основа се удвоиле во првата половина на 2023 година во споредба со втората половина на 2022 година, според податоците на Адзуна“ (Adzuna) доставени до „Блумберг њуз“. Пребарувањата за работа како канцелариски администратор се зголемиле за 131 отсто во овој период, додека за работа како аналитичар на податоци пребарувањата се зголемиле за 50 отсто.
Bloomberg
„Рамнотежата помеѓу работата и животот не е нешто за што работниците на генерацијата зед се подготвени на компромиси“, рече Ендрју Хантер, ко-основач на„Адзуна“.
Апетитот за овие работни места го следи трендот на „тивко напуштање“ што подразбира да не се прави повеќе од она што е наведено во описот на нивната улога, исто така предводена од генерацијата зед. Добивањето повеќе слободно време сега е клучен услов за канцелариските работници од сите возрасти кои се сите повеќе склони кон исцрпеност по пандемијата. Сепак, работната генерација на Обединетото Кралство зед се соочува со уникатен сет на проблеми со кои претходните генерации не се соочиле. Тие вклучуваат слабеење на изгледите за работа, високи студентски долгови и зголемени трошоци за домување. Бројот на неактивни работници во оваа возрасна група, оние кои се без работа и не бараат работа, нагло се зголеми меѓу 2019 и 2022 година, што придонесе за широк недостиг на работна сила низ Обединетото Кралство.
Bloomberg
Бројот на млади од 18 до 24 години кои го напуштиле пазарот на трудот од почетокот на пандемијата надмина 1,66 милиони во последниот квартал, според Канцеларијата за национална статистика. Тоа е зголемување за 88.000 од периодот непосредно пред првото заклучување. Стапката на неактивност на оваа група се зголеми во тој период за 2,1 процентен поен на 30,9 отсто, што е највисока за која било возрасна група освен децата на училишна возраст и постарите од 65 години. Едно глобално истражување спроведено од „Гина Интернатионал“(Cigna International) покажа дека работниците на генерацијата зед се најизгорените вработени, при што 91 отсто од испитаниците изјавиле дека се чувствуваат под стрес, што е значително повисоко од 84 отсто за сите вработени.
Bloomberg
Проблемот може да влијае на британските работодавци кои се обидуваат да ги задржат работниците барајќи флексибилност кога работниците се дефицитарни.„Луѓето ќе почнат да бараат работа со најдобра комбинација на работа и бенефиции“, рече Софија Бајорек, виш научен соработник во британскиот Институт за студии за вработување. „Тоа може да стане проблем при регрутирање на нови и задржување на работниците.
