.webp){kind=icon}
Паднаа акциите на компанијата за производство на електрични камиони „Никола“ (Nikola Corp.) по објавата дека сите камиони ќе бидат повлечени и привремено ќе се запре продажбата. Оваа одлука доаѓа по неколкуте регистрирани случаи на пожар на батериите.
Компанијата ќе повлече околу 200 камиони од моделот „тре“ откако независната инспекција откри дека истекување на течноста за разладување најверојатно е причина за пожарот во седиштето на компанијата во Феникс, кој се случи во јуни. Иако од компанијата велеа дека нивните возила и натаму се оперативни, тие ги советуваа клиентите да ги остават возилата додека не завршат проверките, кои ќе траат неколку недели. Акциите на „Никола“ забележаа пад од дури 17 отсто пред почетокот на редовното тргување во понеделникот.
Вредноста на акциите падна дури за 98 отсто во споредба со нејзиниот врв во јуни 2020 година, кога компанијата излезе на берза преку спојување со таканаречената компанија СПАЦ (SPAC) . Внатрешните истраги од безбедносните и инженерските тимови на „Никола“ укажуваат дека компонента од еден доставувач е веројатно изворот на истекувањето на течноста за ладење (оној за кој инспекцијата покажа дека е веројатна причина за пожарот во јуни). Компанијата објави дека минатата недела имало уште еден мал пожар на еден од камионите што се проверувал во Аризона. Во ниту еден од наведените случаи нема повредени.
Bloomberg Mercury
Пред само една недела и компанијата „Волво“ (Volvo AB) објави дека ги повлекува речиси сите електрични камиони на батерии во САД што се произведени во изминатите четири години поради проблем што потенцијално може да предизвика пожар на батеријата.
Bloomberg Mercury
Ризикот од пожари привлекува големо внимание, бидејќи батериите сè повеќе го носат транспортот на енергија. Додека возилата со мотори со согорување се еднакво склони кон запалување во споредба со електричните возила, пожарот на батериите е потешко да се изгасне поради самооксидирачкиот литиум, што може да предизвика дополнителни пожари. За гаснење пожар на батеријата може да бидат потребни илјадници литри вода, многу повеќе одошто е потребно за да се запре пожарот на автомобил со бензин.
