Европските фондови за ризичен капитал послабо прибираат пари во 2025

Компаниите поддржани од фондови за ризичен капитал во Европа се на пат да ја имаат најлошата година за прибирање средства од 2015 година наваму, бидејќи инвеститорите избегнуваат да вложуваат пари во индустрија која се соочува со слаби приноси.

Фондовите за ризичен капитал со седиште во Европа собрале 5,2 милијарди евра (6,1 милијарда долари) во првата половина на 2025 година, според добавувачот на податоци „Пичбук“ (PitchBook).

Bloomberg Mercury

 

Фондовите за ризичен капитал бележат опаѓачки приноси од нивните инвестиции во последниве четири години, покажуваат податоците на „Пичбук“. Патеките за излез на инвестициите на фондовите за ризичен капитал, како што се иницијалните јавни понуди и аквизиции, се во опаѓање, а се очекува вкупната активност на излези во Европа во 2025 година да биде за 10 отсто пониска од минатата година.

Во отсуство на други начини, инвеститорите се свртеа кон секундарните пазари, каде што се купуваат и продаваат удели во приватни компании. Глобалното прибирање средства на секундарните пазари е на пат да ја надмине вкупната сума од минатата година, со собрани 52,1 милијарда долари во првиот квартал од 2025 година. Тоа веќе претставува речиси половина од целосната бројка за 2024 година, според податоците на „Пичбук“.

Во исто време, фондовите за ризичен капитал се соочуваат со конкурентски притисок да вложуваат поголеми суми во стартапите. Зделките поддржани од фондови за ризичен капитал што се склучуваат во Европа имаат тенденција да бидат поголеми, при што над 80 отсто се проценети на повеќе од 10 милиони евра, изјави аналитичарката на „Пичбук“ за Европа, Навина Раџан.

Податоците покажуваат дека инвеститорите се привлечени од компании во индустријата за вештачка интелигенција, која доживува експанзија ширум светот. Локалните компании за одбранбена технологија исто така добија поддршка откако европските земји ветија дека ќе потрошат повеќе средства за изградба на сопствените воени капацитети. Суверените одбранбени способности стануваат сè поважни откако САД сигнализираа дека ќе се повлечат од некои обврски кон своите сојузници.

Досега оваа година, износот на финансирање со европски ризичен капитал во одбранбениот и воздухопловниот сектор веќе ги надмина вкупните износи од 2024 година, според „Пичбук“. „Проџект А“ (Project A), германски фонд за ризичен капитал кој има поддржано стартапи во одбраната, лансираше нов фонд од 325 милиони евра во јуни.

 

Во моментов нема коментари за веста. Биди прв да коментира...

Остави коментар