.webp){kind=icon}
Приходите од продажбата на „Опен еј-ај“ (OpenAI) наскоро ќе достигнат една милијарда долари, бидејќи сè повеќе компании ја прифаќаат технологијата што се користи за развој на ЧетГПТ (ChatGPT), ботот базиран на вештачка интелигенција, кој предизвика бран инвестиции во вештачката интелигенција.
Стартапот поддржан од „Мајкрософт“ (Microsoft Corp.) заработува околу 80 милиони долари месечно, изјави за „Блумберг“ информиран извор, кој сакаше да остане анонимен поради доверливоста на информациите. Медиумот „Д информејшен“ (The Information) беше првиот што пишуваше за приходите на „Опен еј-ај“, наведувајќи дека компанијата изгубила околу 540 милиони долари во 2022 година развивајќи ги ГПТ-4 (GPT-4) и ЧетГПТ (ChatGPT). Претставник на стартапот не одговори веднаш на новинарското барање за коментар, но прашањата биле испратени надвор од нормалното работно време.
„Опен еј-ај“ се смета за еден од лидерите во развојот на вештачката интелигенција, технологија што може да креира содржина од видеозаписи до поезија со неколку едноставни кориснички команди. Од воведувањето на ЧетГПТ во ноември, „Опен еј-ај“ соработува со широк опсег компании, од стартапи до големи корпорации, помагајќи им да ја вклучат технологијата во нивните бизниси и производи.
Прочитај повеќе
ВИ е бран голем колку и појавата на интернетот, вели шефот на „Мајкрософт“
Во 1995 година, Бил Гејтс испрати меморандум во кој го нарече интернетот „плимин бран“ што ќе биде клучен за секој дел од бизнисот.
23.08.2023
Дали на вештачката интелигенција местото ѝ е во канцеларија?
Хеџ фондовите и другите финансиски менаџери сè повеќе го користат ЧетГПТ на „Опен АИ“
05.08.2023
Како менаџерите на хеџ-фондови го користат ЧетГПТ
Хеџ-фондовите и другите менаџери на пари сè повеќе се потпираат на ЧетГПТ за маркетинг и сумирање големи извештаи.
01.08.2023
Тужба против сопственикот на ЧетГПТ за кражба на податоци
Креаторот на ЧетГПТ, „Опен еј-ај“, наводно краде големи количини на лични податоци за да ги обучи моделите за вештачка интелигенција.
29.06.2023
Запознајте го вашиот нов терапевт: д-р ЧетГПТ
Водечките четботови не се дизајнирани да обезбедат терапија, но некои луѓе ги користат на тој начин.
23.06.2023
„Алибаба“ вградува во апликациите вештачка интелигенција слична на ЧетГПТ
Асистентот помага со анализа на аудио и видеодатотеки и генерирање текстуални резимеа и сега е отворен за јавноста.
01.06.2023
Овој месец компанијата ја претстави корпоративната верзија на четботот со дополнителни функции и нов слој на заштита на приватноста, најзначајниот обид на стартапот да привлече повеќе деловни клиенти и да ги зголеми приходите од продажбата на својот најпознат производ.
Воведувањето на ЧетГПТ ентерпрајс (ChatGPT Enterprise) е чекор напред во плановите на „Опен еј-ај“ да го монетизира својот познат четбот, кој е исклучително популарен, но многу скап за работа, бидејќи робусните модели со вештачка интелигенција бараат голема компјутерска моќ. Стартапот со седиште во Сан Франциско веќе презеде чекори кон генерирање приходи, како што е продажба на специјална претплата и понуда за платен пристап до интерфејсот за програмирање апликации, кој програмерите можат да го користат за да го додадат четботот на други апликации.
