.webp){kind=icon}
„Кока-Кола“ (Coca-Cola) ја зголеми својата прогноза за целата година, наведувајќи ги силните перформанси годинава и покрај зголемувањето на цените и другите притисоци врз џебот на потрошувачите.
Со оглед на континуираната подготвеност на потрошувачите да купуваат со постепено зголемување на цените на пијалаците, компанијата сега очекува органски раст на приходите во цела 2023 година од 10 до 11 отсто и приспособен раст на профитот од 7 до 2 отсто. „Кока-Кола“ претходно соопшти дека очекува органски раст на приходите од осум до девет проценти за целата година и приспособен раст на профитот од пет до шест проценти, до 2,48 долари во 2022 година. Според консензусот на аналитичарите, приспособениот профит се очекуваше да биде 2,64 долари за целата година, а годишната процена за раст на органскиот приход беше околу 9,9 проценти.
Depositphotos
„Компанијата со седиште во Атланта имаше добар квартал во целина“, наведе извршниот директор Џејмс Квинси во изјавата на компанијата.
Миксот на цените - или промените на цените на различни производи и пакети - се зголеми за девет проценти. Аналитичарите очекуваа зголемување на миксот на цените од 6,2 отсто. Продадениот волумен се зголеми за два отсто, што исто така ги надмина процените.
Акциите поскапеа за 2,5 отсто во претпазарното тргување во Њујорк. Според податоците до понеделникот, акциите на „Кока-Кола“ паднаа за 15 отсто од почетокот на годината.
