Акциите на „Енвидија“ (Nvidia Corp.), највредниот производител на чипови во светот, паднаа во продолженото тргување откако најновата прогноза на компанијата не ги исполни високите очекувања на инвеститорите што се обложуваат на бум на вештачката интелигенција (ВИ).
Приходите во тековниот период ќе бидат околу 20 милијарди долари, се посочува во соопштението на компанијата од вторникот. Иако тоа ја надмина просечната процена на аналитичарите од 17,9 милијарди долари, некои проекции достигнаа и до 21 милијарда долари.
Иако „Енвидија“ забележа уште еден квартал со импресивен раст, инвеститорите очекуваа повеќе. Тие вложија пари во акциите, кои годинава скокнаа за 242 отсто, со надеж дека индустријата за ВИ ќе донесе експлозивен раст на продажбата.
Bloomberg Chartmaker
Акциите на „Енвидија“ затворија на 499,44 долари во Њујорк во вторникот, пред да биде објавен извештајот. Акциите на компанијата беа најуспешни на Semiconductor Index на берзата во Филаделфија, што ја зголеми проценетата вредност на компанијата над 1,2 трилион долари. Всушност, пазарната капитализација на компанијата сега е повеќе од трилион долари поголема од онаа на конкурентот „Интел“ (Intel Corp.), кој до неодамна беше најголем производител на чипови во светот.
Извршниот директор на „Енвидија“, Џенсен Хуанг, ја искористи моќта на графичките чипови за она што тој го нарекува забрзано пресметување (анг. accelerated computing). Процесорите на компанијата, кои обработуваат големи количества податоци со паралелно извршување пресметки, станаа главна алатка за обука на вештачката интелигенција.
.webp){kind=icon}
Во моментов нема коментари за веста. Биди прв да коментира...