Почнувајќи од јануари, додека гледате филмови или серии на услугата за стриминг „Прајм видео“ (Prime Video) ќе се емитуваат реклами. Сепак, корисниците што сакаат да платат дополнителна месечна претплата ќе можат да ја избегнат оваа промена.
„Амазон“ на почетокот на годината објави дека планира да додаде реклами на филмови и серии на платформата „Прајм видео“. Неодамна беше објавено дека рекламите ќе почнат да се прикажуваат од 29 јануари.
„Со ова планираме да продолжиме да инвестираме во привлечна содржина и постепено да ги зголемуваме тие инвестиции“, наведе „Амазон“ во е-пошта до претплатниците, најавувајќи го преминот кон моделот „ограничен број реклами“.
Bloomberg
Компанијата посочува дека на нејзината платформа ќе има значително помалку реклами во споредба со класичните телевизиски и други стриминг-услуги. Тие исто така нагласија дека корисниците не треба да преземаат ништо и дека цената на членството во „Прајм“ нема да се промени. Клиентите што сакаат да продолжат да гледаат содржини без реклами можат да изберат дополнителна опција за плаќање од 2,99 долари месечно.
Во остатокот од е-поштата, „Амазон“ ги наведува многуте придобивки од претплатата на „Прајм“ и причините зошто корисниците не треба да ја откажат својата претплата.
Оваа промена доаѓа во време кога другите платформи за стриминг, како „Дизни плус“„Хулу“, „Макс“, и „Нетфликс“, ги зголемуваат цените на нивните претплати и воведуваат реклами во најевтините пакети. Иако месечната цена на „Амазон прајм“ не се менува, корисниците што сакаат да го задржат постојниот режим на гледање без реклами ќе мора да плаќаат повеќе од 29 јануари.
.webp){kind=icon}
Во моментов нема коментари за веста. Биди прв да коментира...