УБС (UBS Group AG) повторно ќе понуди обврзници AT1, а веста за аукцијата од милијарди долари доаѓа само еден ден по објавувањето на планот за дополнителни емисии од оваа класа на средства.
Швајцарската банка нуди обврзници во вредност од една милијарда долари со куповна опција (англ. call option) од април 2031 година, додека почетниот принос ќе биде 8,375 отсто, изјави за „Блумберг“ извор запознаен со плановите на компанијата. Лицето побарало да не биде именувано бидејќи податоците сè уште не се јавни.
УБС се врати на ризичниот должнички пазар во ноември, кога побарувачката за обврзници AT1 (беа понудени обврзници во вредност од 3,5 милијарди долари) изнесуваше 36 милијарди долари. Таа аукција го означи почетокот на пресвртот во турбулентна година.
Прочитај повеќе
УБС го рестартира откупот на акции додека ја интегрира „Кредит Суис“
Групацијата УБС ќе продолжи со откуп на акции оваа година, ветувајќи дека ќе им исплати дури милијарда долари на акционерите.
06.02.2024
Претседателот на УБС предупреди на балон во секторот за приватни кредити
Приватните кредити станаа сè побарана алатка за финансирање на компаниите што се занимаваат со откуп.
29.11.2023
УБС објави прва загуба од 2017 година поради интеграцијата на „Кредит Суис“
Единицата за управување со богатство забележа добивка од 1,01 милијарда долари, пониска од процените.
07.11.2023
УБС продава обврзници, први по преземањето на „Кредит суис“
Обврзниците што достасуваат за четири години и три месеци, шест и 11 години се таканаречени бенчмарк-обврзници
18.09.2023
Компанијата претходно најави дека годинава планира да собере две милијарди долари преку обврзници АТ1 и на тој начин да продолжи да ги подига заштитните слоеви на капитал.
Пазарот на обврзници АТ1 во Европа беше многу жив неделава. Холандската банка ИНГ (ING Groep NV) продаде хартии вредни милијарда долари. „Сведбанк“ (Swedbank AB) и „Јуске банк“ (Jyske Bank A/S) продале долг деноминиран во долари и евра, според податоците собрани од „Блумберг“.
Обврзниците AT1, познати и како Кокос (CoCos), се конвертибилни обврзници создадени по глобалната економска криза, така што трошоците за колапсот на банките би биле на товар прво на сопствениците на обврзници, а не на даночните обврзници. Најлошиот период за нив беше во март 2023 година, кога „Кредит Суис“ (Credit Suisse) избриша долг од 17 милијарди долари по веста за преземање од страна на УБС.
Пазарот оттогаш закрепна, при што разликата во приносот на обврзниците во различни валути падна на најниско ниво од минатиот февруари, покажаа податоците на „Блумберг“.
.webp){kind=icon}
