.webp){kind=icon}
Оперативната добивка на групацијата МОЛ минатата година е намалена за 37 отсто, на 1,94 милијарди долари, соопштија од унгарската нафтена компанија во чии рамки работи МОЛ Србија. Тие го објаснуваат падот на профитот во Будимпешта со „тешката макроекономска клима, турбуленциите во нафтената индустрија“ и „хаотичните даночни политики“.
Во исто време, нето-добивката на МОЛ е намалена за 11 отсто, на 1,48 милијарда долари, додека нето-приходите од продажба се за четири отсто помали и изнесуваат 25,2 милијарди долари.
Главниот извршен директор Золт Хернади во коментар по објавувањето на резултатите изјави дека профитот паднал поради „вонредните и тешки надворешни услови“, но дека МОЛ успеал да одговори на тие предизвици благодарение на „оперативната и трошковна ефикасност и внимателната инвестициска политика“. Хернади е убеден дека во иднина групацијата МОЛ ќе биде поподготвена да одговори на новите пазарни предизвици благодарение, меѓу другото, и на влезот во новиот бизнис со управување со отпад.
Групацијата МОЛ во моментов очекува дека годинашниот оперативен профит ќе биде околу 1,6 милијарда долари, речиси за една петтина помалку од минатата година.
