Министерството за правда на САД го тужи „Епл“

Министерството за правда на САД е подготвено да го тужи „Епл“ (Apple Inc.) веќе в четврток, обвинувајќи ја втората највредна технолошка компанија во светот за прекршување на антимонополските закони преку блокирање на ривалите да пристапат до хардверските и софтверските функции на нејзините ајфони (iPhone).

Тужбата, која се очекува да биде поднесена пред Федералниот суд, според лица запознаени со ситуацијата, ја ескалира антимонополската борба на администрацијата на Бајден против повеќето најголеми американски технолошки гиганти. Министерството за правда веќе го тужи „Гугл“ (Google) на „Алфабет“ (Alphabet Inc.) за монополизација, додека Федералната трговска комисија води антимонополски случаи против „Мета“ (Meta Platforms Inc.) и „Амазон“ (Amazon.com Inc).

Од „Епл“ и од Министерството за правда не одговорија веднаш на барањата за коментар. Упатените извори побараа да не бидат именувани бидејќи станува збор за доверлива работа.

Акциите на „Епл“ паднаа дури за 1,4 отсто, до 176,10 долари, во доцното тргување по вестите. Тие годинава се намалени за 7,2 отсто до затворањето во средата. Случајот што доаѓа третпат ќе обележи како Министерството за правда го тужи „Епл“ за прекршување на антимонополските права во изминатите 14 години, но тој е прв случај што го обвинува производителот на ајфони за незаконско одржување на својата доминантна позиција.

Тужбата доаѓа во време кога компанијата од Калифорнија е под лупа во Европа поради наводно антиконкурентско однесување. „Епл“ месецов доби парична казна од 1,8 милијарда евра затоа што ги спречувал ривалите за стриминг музика да понудат поевтини зделки во неговата продавница за апликации. „Епл“ се пожали на казната и порача дека регулаторите не успеале да откријат „веродостојни докази за конкретна штета врз потрошувачите“.

За повеќе детали прочитајте го текстот на „Блумберг“.