Династијата Гросвенор, чие богатство од повеќе милијарди долари влече потекло од мираз од родители на 12-годишна невеста, со векови го пренесува својот главен извор на богатство по машка линија.
Тоа не се променило во 345 години: Хју Гросвенор (31) стана седми војвода од Вестминстер во 2016 година и глава на семејниот имот кога неговиот татко Џералд почина од срцев удар на 64 години, иако тој има и две постари сестри.
Getty Images
Но, има пресврт во бизнисот на Гросвенор: Жените сè повеќе играат главна улога во семејната истоимена инвестициска фирма, која има холдинзи што опфаќаат урбан имот, селски имоти и земјоделска технологија. Нивното богатство од 11,6 милијарди долари е најголемо меѓу британската аристократија, според индексот на милијардери на „Блумберг“ (Bloomberg Billionaires Index).
Во изминатите неколку месеци, Хенриета Гурлеј го презеде управувањето со поголемиот дел од финансиските акции на „Гросвенор“ во надворешни фондови. Синди Мекмилан се приклучи во март како потпретседателка на инвестицискиот тим во Северна Америка, додека Емили Петрила истиот месец започна како потпретседателка за правно советување во регионот.
Фирмата со седиште во Лондон, која управувала со имот од вкупно 11 милијарди фунти на крајот од 2021 година, aнгажирала или унапредила речиси половина од околу триесетина жени што ги поставува на високи оперативни улоги во последниве години, според податоците собрани од Bloomberg.
„Фокусирани сме на градење разновидна и инклузивна работна сила која ги рефлектира заедниците во кои работиме“, рече во изјава Џо Сквајер, директор за човечки ресурси на „Гросвенор“. „Дел од овој пристап значи зголемување на бројот на жени на повисоко ниво во нашата организација“.
Фамилијата Гросвенор ја следи својата лоза наназад околу 1.000 години, но семејството го должи своето богатство на брак од 17. век, кога сер Томас Гросвенор добил најмалку 121 хектар земјиште во мочуришта и овоштарници западно од градот Лондон од родителите на Мери Дејвис. Таа област е дом на современите населби Мејфер и Белгравија - јадро во кое живеат некои од најзаслужените жители на Лондон. Наследството на богатството е структурирано по системот на машко првородство, што значи дека помлад син може да замени постара ќерка во редот за наследување.
Деновиве, нивните пари главно се врзани во империјата на недвижнини што опфаќа канцеларии во Лондон, домови во Мадрид и трговски центри во Сан Франциско. Семејството, исто така, има инвестиции во акции, хеџ фондови и приватен капитал, вклучително и распределби во Венрок, Довер Стрит и Софинова во последните години, покажуваат финансиски документи.
Марк Престон е главен извршен директор на „Гросвенор“, а Џонатон Бонд е главен директор за инвестиции. Фирмата има околу 90 луѓе наведени на својата веб-страница на високи оперативни позиции.
Шест директори на нејзиниот извршен тим за имот во Обединетото Кралство се жени, што претставува повеќе од половина од групата, при што повеќето се именувани на нивните најнови позиции од почетокот на 2020 година.
Сепак, жените во „Гросвенор“ во просек заработувале 38 отсто помалку од мажите заклучно со април 2021 година, според извештајот на компанијата за родовиот јаз во платите. Иако тоа е подобрување за 4 процентни поени во однос на претходната година, делумно го одразува фактот дека жените имаат тенденција да работат на пониски позиции во фирмата, што е тренд во финансиската индустрија.
.webp){kind=icon}
